Значително подобрени условите за настава по физичко образование во Средното стручно училиште „Коле Неделковски“ во Велес. Денеска пуштен новиот систем за греење и ладење во спортската сала. Реконструкции се извршија и на електричното осветлување, покривнот, приспатниот дел, а заменети се и сите прозори. „Задоволни сме од реализацијата на целокпниот проект. Ова е само уште еден доказ дека работиме на унапредување на условите за настава, а секако во таа насока ќе продолжиме и во иднина. Со денешниот настан практично училиштето исполнува високи критериуми за настава и станува едно од водечките во државата на тоа поле„рече Градоначалникот на Општина Велес Славчо Чадиев.

Целокупната инвестиција изнесува 26 000 евра, а заеднички ја реализираа Општина Велес и ISAID. Денешниот настан е дел од активностите за одбележување на патрониот празник на училиштето. Во склоп на манифестацијата се одржа и саем на храна „Вкусот не спојува“. Пред присутните беа презентирани специјалитети од повеќе етнички заедници кои се застапени во училиштето.