Расчистени големите наноси на снег, кои на места достигнуваа и до три метри кон населеното место Сливник. Денеска околу 12:00 часот механизацијата која беше ангажирана на расчистување пристигна до селото. Тоа е добра вест за околу 500 жители во Сливник кои деновиве потешко ги извршуваа своите обврски. Со пробивањето на патот кон Сливник сите патни правици во Општина Велес се проодни. Кризниот штаб и патролните служби остануваат во приправност. Ситуацијата на терен константно се следи. По потреба се реагира во одредени ситуации.