Започнаа градежните активности на улицата Рилски конгрес или поранешна Игманска. Се работи на дел во должина од 400 метри со кој се поврзуваат улиците Тодор Јанев и Сараевска. Градоначалникот на Општина Велес, Славчо Чадиев беше на лице место и направи увид во работите. Тој истакна дека е задоволен од сработеното досега и очекува дека набрзо овој потег од улицата ќе биде готов.

Проектот за реконструкција се изведува по барање на граѓаните на оваа улица. За реализација се издвоени повеќе од 2 милоиони денари, средства од Буџетот на Општина Велес. Во изминативе четири години во општина Велес, асфалтирани, бетонирани или попочени со бекатон се 102 улици.