СЕЛЕКТИРАЈТЕ ИДНИНА – ПРОНАЈДЕТЕ ГИ ЗЕЛЕНИТЕ КОНТЕЈНЕРИ ЗА СТАКЛО
Потрудете се секое парче отпадно стакло од вашите домови или објекти да заврши на соодветно место. Пронајдете ги зелените контејнери и во нив фрлете ја стаклената амбалажа.
Општина Велес ве повикува да селектирате. Во соработка со ЈКП Дервен со сметките за комунални услуги до сите домаќинства, фирми и организации се дистрибура флаер во кој се објаснети придобивките од селектирање на стаклена амбалажа и локации каде има поставени контејнери.
Во соработка со ПАКОМАК поставени се 10 контејнери за отпадно стакло (тегли, шишиња, итн) . Контејнерите се наоѓаат во близина на ТУШ, БРАКО, КАПРИ, ВЕ-МОЛ, ПАБ, САКО-ТРЕЈД, Градски парк и по должина на улицата Лазо Осмаков.
Доколку имате големи количини на отпадно стакло може да се јавите во ЈКП Дервен на телефонскиот број 043/233-768 секој работен ден од 07:00 до 15:00 часот и да договорите термин за превземање на отпадот. Оваа услуга е бесплатна. Истата некои од граѓаните веќе ја искористија.
Селектирањето на стаклената амбалажа е значајно, затоа што тоа во сптотивно ќе заврши на депонииите кои имаат ограничен капацитет, но и во борбата за почиста и поздрава животна средина. Стаклото може неограничено да се рециклира. Со рециклирање на еден тон стакло се добива еден тон нов производ од стакло.