Почитувани,

Велес и велешани отсекогаш имале напредна мисла и авангарден дух. Почетоците на театарската уметност во градот се поврзани со ликот и делото на Јордан Хаџи Константинов – Џинот во 1864 година со драматизација на претставата „Мечката и селаните“.

Од тогаш до денес во Велес се негува култ кон театарот и штиците што живот значат. Велешани се големи почитувачи на оваа уметност. Низ годините градот продуцирал актерски бардови кои оставиле голема трага.

Градоначалникот и Советот на општина Велес на сите вработени во Народниот театар „ЈХК Џинот“,актери, режисери, сценски работни и на сите љубители на театарската уметност им го честитаат 27-ми март, Светскиот ден на театарот.

Со почит,

Општина Велес