Во рамките на предметната настава по предметот „Општество“, триесетина ученици од четврто одделение при ООУ „Васил Главинов“ од Велес,  на 12 април годинава имаа можност одблиску да ги запознаат организацијата и начинот на работа на Општина Велес.

Најмладите под менторство на наставничката Злата Велковска  се запознаа со секторите и ги разгледаа салата за прес конференции, големата сала на општината и електронската сала каде  играa улоги на членови на советот. Тие  добија и конкретни одговори за работата  на Советот на Општина Велес.

При посетата, учениците остварија средба со Градоначалникот Аце Коцевски кој ја поздрави оваа иницијатива и ја истакна заложбата на општината активно да се вклучува во исполнување на образовните цели во насока  на создавање на  идни активни граѓани на Велес.