Од денеска стартува измената на сообраќајниот режим на пристапната улица во градскиот парк. Како што соопшти градоначалникот Коцевски на прес конференција, на барање на граѓаните и рекреативците кои го посетуваат паркот, општината веднаш реагираше согласно законските прописи. „Поставена е вертикална сообраќајна сигнализација, со која се утврдува забрана на движење на моторни возила на оваа улица. Од 12 септември годинава,  забраната за возила  важи со временско ограничување и тоа:

- за летен период: од 06.00ч. до 09.00ч и од 18.00ч. до 21.00ч.

- за зимски период: од 06.00ч. до 09.00ч. и од 17.00ч. до 20.00ч.

- Оваа забрана не се однесува на возилата за итна медицинска помош, возилата на противпожарната единица и  возилата на МВР“, рече градоначалникот.

Решението  овозможува  непрепречено движење на пешаците и рекреативците кои масовно ја користат оваа улица особено во утврдените часови  во текот на денот и истовремено обезбедува заштита на животната средина. Коцевски најави дека општината  продолжува да работи и ќе се потруди на овој начин,  навремено да изнајде решенија за проблемите на кои  укажуваат граѓаните.