Општина Велес во соработка со ЈКП „Дервен“ ги координира активностите за  чистење на градските локации на кои беше утврдено поголемо количество отпад.

Во првиот квартал од 2019г. покрај редовното метење и миење на градските улици генерално беа исчистени од отпад и следните локации: влезови во Велес, Битолска пруга, Гевгелиска пруга, брегови на река Вардар, Индустриска зона УЗУС, Езеро Младост, Комплекс УЗУС, околина на градски јавори и бројни мали локации во градот.

Комуналците неуморно работеа и собраа 175м3 отпад. Заедно со 128м3 отпад од граѓанската акција за чистење на зелениот појас Топилница количината на собран отпад во првиот квартал е 303м3.

Општина Велес будно ја следи состојбата. Но, тешко се постигнуваат резултати без поддршка на граѓаните.

Општината ги поздравува и поддржува активностите на здруженијата на граѓани  и граѓански групи за чистење на мали градски средини кои ќе ја подигнат свеста за чиста животна средина и општествена одговорност.

Активностите продолжуваат и во насока да се пресретне, спречи и санкционира оставање, исфрлање, напуштање и неконтролирано отстранување на отпад.