Општина Велес постави 10 контејнери од 1,1 m3 во жолта боја на јавни површини со што и официјално ја започна примарната селекција за граѓаните од колективно домување, трговските објекти и други правни субјекти. Донацијата обезбедена од колективниот постапувач ПАКОМАК е со вредност од 86.942,00 денари.

Со учество од буџетот во висина од 100.000 денари, општината постави и 9 мрежести контејнери за ПЕТ амбалажа на јавните површини. Активностите се реализирани во партнерство со ЕД „Вила Зора“. Со ова се врши проширување на примарната селекција која досега се спроведуваше кај 30% од индивидуалните домаќинства во општината.

Собирањето и транспортирањето на селектираниот отпад го превзема ЈКП „Дервен“ кој е овластен оператор за отпад од пакување на територијата на општината.

Листата на локации со поставените контејнери е дадена во следната табела:

Општина Велес апелира до граѓаните активно да се вклучат во заштитата на животната средина со селектирање на отпадот според намената на поставените контејнери.