Во тек се повеќе градежни зафати за подобрување на инфраструктурата на територијата на Општина Велес. Градоначалникот Коцевски заедно со тим од општинската администрација денеска изврши увид на тековните работи.

Извршено е бетонирање на дел од улицата „Васа Кошулчева” во должина од 40 метри со што е овозможено истекување на атмосферските води. Извршен е ископ на подлогата,извршено е валирање на тлото, тампонирање ,завршно бетонирање и нивелирани се уличните рабници на спој со постоечка улица.

Се работи и на улицата "Ризо Ризов", каде во моментов се одвиваат градежните работи за подобрување на коловозната површина на дел од улицата во должина од околу 80 м и кои се во завршна фаза. Се изврши отстранување на многу оштетената бетонска подлога и во моментов се изведуваат бетонски работи за нова коловозна површина.

Направен е увид и на улицата „Даре Џамбаз” каде претходно беа извршени градежни работи за подобрување на коловозната површина во должина од 150 метри. Имено, извршено е делумно вадење на оштетен бетонски слој, а потоа е извршено бетонирање на коловозната површина со проширување на одредени места со цел да се подобрат условите на места каде тоа го дозволува просторот- кривини.

Крстосницата која ја формираат улиците „АСНОМ” и улицата „Андон Шурков” (во близина на бензиската пумпа „Црна Река”) се реконструираше во изминатите неколку седмици и градежните работи се веќе завршени. Реконструкцијата опфаќа изградба на два нови острова, проширување на лента од улица “АСНОМ” кон „Андон Шурков” и поставување на соодветна вертикална и хоризонтална сообраќајна сигнализација. На овој начин се прави точно дефинирање на правото на првенство на минување, зголемување на прегледноста при маневрирање и заштита на движењето на пешаците. Од буџетот на Општина Велес за извршување на овие градежни зафати се издвоени средства во висина од околу 1 680 000 денари.