Локалниот совет за превенција од детско престапништво на Општина Велес, денес во просториите во Општина Велес одржа седница на која покрај членовите на Советот присуствуваа и преставниците од МВР – СВР Велес, Орце Коцевски - командир на полициската станица,  и Иса Лимани- командир на Полициска станица за безбедност на патниот сообраќај.

На седницата беа разгледани предлози за дополнителни мерки  за заштита на јавниот ред и мир. Иницијативата за дополнителни мерки се должи на појавата на нарушување на јавниот ред и мир од страна на малолетни лица на јавни места во ноќните часови, недозволена консумација на алкохол во кафулињата и недолично однесување.

Општина Велес и Локалниот совет за превенција од детско претстапништво апелираат до родителите да преземат соодветни мерки за превенција на овие негативни појави кај децата и младите карактеристични за летниот период.