Република Македонија
Совет на Општина Велес
Број 07-2911/1
07.07.2009 година
Велес
Врз основа на член 39, став 2 од Законот за локалната сaмоуправа („Службен весник на РМ" бр.5/02) и член 18, став 3 од Статутот на Општина Велес („Службен гласник на Општина Велес" бр.12/06), донесувам
РЕШЕНИЕ
за свикување на 6-та седница на Советот на Општина Велес
Седницата ќе се одржи на ден 14.07.2009 година (вторник) во просториите на Општина Велес со почеток во 13,00 часот.
За седницата го предлагам следниот
ДНЕВЕН РЕД
за 6-та седница на Советот на Општина Велес
1.Предлог-одлука за донесување на Детален урбанистички план за дел од Велес, локалитет – дел од урбана единица 7 „Алексо Демниев“ – дел од урбан блок 38 -2008 -2013 – Општина Велес
2.Предлог-одлука за утврдување на Нацрт Детален урбанистички план УЕ З, дел од урбан блок 24 Велес – (2008-2013) - Општина Велес
3.Предлог-одлука за утврдување на Нацрт Детален урбанистички план за дел УЕ5, дел од УБ34 – (2009-2014) Општина Велес
4.Предлог-одлука за утврдување на Нацрт Детален урбанистички план за дел УЕ4 - дел од УБ29 – (2009-2014) Општина Велес
5.Предлог-одлука за изменување и дополнување на Одлуката за авто-такси превоз на патници во Општина Велес
6.Предлог-одлука за утврдување на надоместок на трошоци за избори на организаторите на изборната кампања чии кандидати се избрани за членови на Советот на Општина Велес и за Градоначалник на Општина Велес на локалните избори одржани во 2009 година
7.Предлог-решение за распределба на средствата за поддршка на спортот во Општина Велес за 2009 година
Со почит,
ПРЕТСЕДАТЕЛ
на Советот на Општина Велес
Славчо Чадиев с.р.
