Во рамките на проектот „Велес - Град на културата за 2015 година" во Петок на 13.02.2015 година ќе се одржи Концерт за виното и љубовта насловен како „IN VINO VERITAS". На концертот ќе настапат Орхидеа Дукова, Мики Секуловски и Верица Пандиловска. Настанот е со почеток од 19.00 часот.

Соглaсно член 8-з од Законот за превоз во патниот сообраќај („Службен весник на Република Македонија“ број 68/04,127/06,114/09, 83/10, 140/10, 17/11, 53/11, 6/12, 23/13, 120/13, 163/13, 187/13, 42/14, 112/14 и 166/14) и член 4 од Правилникот за постапката и програмата за полагање на испитот за добивање сертификат за автотакси возач, формата и содржината на уверението за положен испит и на сертификатот за автотакси возач, („Службен весник на Република Македонија“ бр.98/14), Општина Велес закажува испити за полагање на испитот за добивање сертификат за автотакси возач на 27 февруари 2015 година (петок) во 18 часот. Испитот ќе се одржи во просториите на Општина Велес.

Пријавувањето за полагање на испитот се врши со поднесување пријава до Општина Велес најдоцна 2 дена пред одржувањето на испитот.

Согласно Правилникот за безбедност на водата, а поради актуелните случувања и поплавени подрачја по течението на речните корита Општина Велес ги известува граѓаните сопственици на бунари дека водата од истите е загадена и не треба да се користи за пиење, миење и готвење. Исто така природните чешми на територијата на Општина Велес имаат вода со променлив квалитет најчесто физичко хемиски и бактериолошки не безбедна за консумирање и истата не треба да се користи. Единствено треба да се користи водата од градскиот водоснабдителен систем која е здравствено безбедна вода.

Градоначалник на Општина Велес
м-р Славчо Чадиев

ОБЈАВА број 1 
за отуѓување на градежно земјиште сопственост на Република Македонија по пат на електронско јавно наддавање во Општина Велес

 ПРЕДМЕТ НА ЕЛЕКТРОНСКОТО ЈАВНО НАДДАВАЊЕ

Предмет на електронското јавно наддавање е градежно неизградено земјиште, сопственост на Република Македонија, предвидено со:

1. Детален урбанистички план за Урбана единица VII- блок 42 локалитет Касарна- опфат 3- плански период 2010-2015- Општина Велес, донесен со Одлука бр. 07-5278/2 од 01.11.2010 година, со намена на градба А2-Домување во станбена зграда со компатибилна класа на намена Б1 со карактеристики согласно Табеларен преглед бр.1

Oпштина Велес ги известува сите граѓни дека според информациите од УХМР, овие денови нов јужен бран ќе ја зафати територијата на Република Македонија. Се очекува врнежите да бидат со поголем интензитет од тие во изминатиот викенд. Дополнително се очекува водостојот на реките да се зголеми со топење на снеговите со што се подигнува алармантноста со хидролошката состојба.

Во Велес критична точка претставува течението на реката Вардар низводно од левата и десната страна, пред и по мостот кај Башино село, во месноста Шорка, бавчите во Речани и Рени бунарите, кои се за снабдување со вода. Опсасност од излевање постои и кај градскиот парк, фудбалското и ракометното игралиште, околината на железен мост (месност Дворови), Автобуска станица, Мало Мовче и низводно во околината на фабриката „Димко Митрев”.