Хабитат Македонија денес организираше настан на кој се доделија сертификатите за комлетирано волонтирање на партнер-семејства кои претходно беа селектирани во Програмата за нови градби во Велес. Волонтирањето од 400 часа беше предуслов за потврдување на селекцијата на партнер-семејствата, пред потпишување на договор за одобрениот стан во новата зграда на Хабитат во Велес.
На настанот присуствуваше и градоначалникот на Општина Велес Славчо Чадиев и членови на волонтерскиот тим на корпорацијата Thrivent од САД.

Фудбалскиот клуб „Гемиџии” oд Велес добива нов сопственик. Бизнисменот Кочо Анѓушев го презема работењето на клубот и од оваа сезона тој е негов спонзор. На заедничка средба со велешкиот градоначалник Славчо Чадиев беа разгледани и сооштени сите детали околу следните чекори.
-„Со задоволство можам да кажам дека во следниот период Велес полека но сигурно ќе се врати на фудбалската мапа, односно за неколку години во нашиот град да гледаме прволигашки фудбал. Разговаравме и за некои други поединости околу целокупната организација на овој проект, поточно во делот на можностите со кои Локалната самоуправа може да помогне за развој на фудбалот.” – рече градоначалникот Славчо Чадиев.

Почитувани сограѓани,

Дозволете ми, Вам, верниците од муслиманска верисповед од мое лично име и од името на Советот на Општина Велес, да ви упатам најсрдечни честитки по повод големиот исламски празник Курбан Бајрам. Овој празник за вас има голема важност. Курбан Бајрам одсекогаш бил симбол за почитта, толеранцијата и љубовта помеѓу луѓето, хуманоста кон беспомошните, простувањето и милоста кон секој добронамерник. Најискрено посакувам празникот да го поминете во добро здравје, радост, среќа и хармонија споделувајќи љубов со ближните.

Во рамките на одбележувањата на 8-ми септември – Денот на независноста на Република Македонија денес делегации на Општина Велес, МВР-СВР Велес, Сојузот на борци на НОАВМ Велес, институции, политички партии и граѓани од Велес, со положување на свежо цвеќе на Спомен-костурницата, почит им оддадоа на сите паднати борци за Македонија кои го остварија стремежот за слободна држава.
На 8 септември 1991 година со убедливо мнозинство - 95% од граѓаните што излегоа на референдумот, Македонија се изјасни за самостојност и независност.

Градоначалникот Славчо Чадиев во рамки на својата работна агенда направи увид на локацијата позади Гимназијата „Кочо Рацин”, каде што заврши поплочувањето на паркинг-просторот.
Новиот паркинг е наменет за 54 возила а со тоа се очекува да се намали навалицата и гужвата во ова градско подрачје.Со пуштањето на употреба и на овој паркинг Општината вкупно има направено паркинг-простори за 460 автомобили.

Во текот на денешниот ден се врши асфалтирање на дел од улица „Павел Шатев”, која се наоѓа во УЗ „Ќерамидна“. Градежните активности ќе продолжат со асфалтирање и на кракот од истата улица.
Во увид на градежните работи денес беше и градоначалникот Славчо Чадиев кој изрази задоволство од текот на активностите и начинот на кој се излегува во пресрет на потребите на граѓаните