Општина Велес во досегашниот период има интензивна соработката со граѓанските организации и институциите од областа на социјалната заштита. Особено е изразена соработката со Општинската организација на Црвениот крст од Велес и Центарот за социјална работа. Токму оваа соработка придонесе помошта што Општина Велес ја дава на граѓаните кои за тоа имаат потреба да биде упатена на вистинското место.

Општина Велес и Општинската организација на Сојузот на борците од НОАВМ Велес денес свечено одбележаа 75 години од востанието на македонскиот народ. Манифестацијата се одржа на Спомен-костурницата каде што бројни делегации со едноминутно молчење и положување на свежо цвеќе им оддадоа почит на загинатите борци.

Децата се главните ѕвезди на „Велешката питијада“. Оваа 13-та по ред им ја посветувам токму нив. Тие ќе ја продолжат традицијата на велешката пастмалија ,специјалитет по кој е познат градот, рече Градоначалникот на Општина Велес, Славчо Чадиев на отворањето на манифестацијата. „Во наредните денови да уживаме во музика, дружење, песна и забава. Да покажеме дека Велес е центар на културата. Така било во минатото, така е денеска, а така ќе биде и во иднина „ вели Градоначалникот на општина Велес Славчо Чадиев.

7.10.2016 год. - ПЕТОК

Со оваа работилницата присутните се стекнаа со дополнителни информации поврзани со областа на безбедност и здравје при работа, како и воспоставување на релации помеѓу соодветните институции и компании за континуирана соработка и користење на примери од добра пракса.

Во Ликовниот салон во организација на Општина Велес и ОО на Сојуз на борци Велес, а во пресрет на 11 Октомври – Денот на востанието на македонскиот народ и Денот на борецот, се одржа турнир во шах. Турнирот е од натпреварувачки карактер, а настанот се искористи и за одигрување на еден натпревар со поставените фигури кои се наоѓаат на плочникот пред Ликовниот салон.

Од 29.09-01.10.2016 година во Скопје се одржа првата Меѓународна конференција за безбедност на сообраќајот на патиштата на тема: „Управување со безбедноста на патниот сообраќај во Југоистична Европа-предизвици и насоки за дејствување“.
На Конференцијата присуствуваа претставници од сите надлежни институции од земјите од регионот, претставници од науката, просефори, аналитичари, експерти, претставници од релевантни меѓународни организации и здруженија сè со цел размена на ставови, мислења и сугестии за ефикасно управување со безбедноста на патниот сообраќај во Југоисточна Европа.

Денес во просториите ООУ „Рајко Жинзифов“ с. Оризари со свечена програма започна одбележувањето на 28-ми Септември Меѓународниот ден на Бошњаците. На одбележувањето присуствуваше градоначалникот Славчо Чадиев, претставници од Советот на Општина Велес и истакнати професори. По програмата на учениците од ова основно училиште кои ја претставија културата и традицијата на Бошњаците следеше трибина на тема „Статусот на Бошњаците во Р. Македонија низ призмата на Охридскиот рамковен договор“.