Организаторите на првиот велешки полумаратон, Советот на Млади при Општина Велес и група граѓани помогнати од локалната самоуправа велат дека постигната е целта на манифестацијата. Испратена е порака за здрав живот, здрави навики и рекреација. Првиот полумаратон кој се одржа, во Градскиот парк ги исполни сите очекувања. На главната трка од 21 километар учествуваа 150 натпреварувачи. Првото место со време од 1:14:57 го освои Дарио Ивановски, второпласиран беше Игор Јакимовски,а трет заврши Хамим Чилафи. Во женска конкуренција полумаратон најбрзо истрча Ангелина Пановска со време од 1:44:49, пред Тина Пановска која го освои второто место, а трета беше Ирена Стојменова.

Транспарентноста одсекогаш била главна карактеристика на Општина Велес. Така ќе биде и во иднина. Со години наназад ги вклучуваме граѓаните ,организациите, здруженијата ,спортските клубови, невладиниот сектор во изготвувањето на конечните предлог-програми за работа на Општина Велес.Истата пракса останува и годинава. Доколку Советот на Општина Велес на денешната 59-та седница ги утврди нацрт-програмите,ние веднаш ќе пристапиме кон одржување на јавна расправа по нив.Првично е предвидено јавната расправа по сите 13 нацрт- програми да се одржи на 07.11.2016 година (понеделник) во Големата сала на Општина Велес со почеток во 17:30 часот.

Велешкото село Караслари ќе добие детска градинка. На тој начин ќе стане првото населено место во рурална средина на Општина Велес каде има образовна институција од ваков тип.
Градоначалникот Славчо Чадиев денеска беше на лице место и изврши увид на објектот.„Ова е прва градинка која ја отвораме во рурална средина. Целта ни е децата од овие места да добиваат предучилишно образование како и децата кои живеат во градската средина. Караслари е едно од населените места каде бројот на жители е конзистентен.

Одржана конференција „СТАНДАРДИ ЗА Е-ТРАНСПАРЕНТНОСТ И Е-ОТЧЕТНОСТ НА ЛОКАЛНО НИВО“ во рамки на проектот: „Граѓанинот на прво место“, во реализација на Центарот за управување со промени и Центарот за одржлив развој „Алка“. Проектот е финансиран од ЕУ, а кофинасиран од Британската амбасада. Соработници во проектот се министерствата за локална самоуправа и за информатичко општество и администрација.Македонските граѓани сметаат дека на веб-страниците на општините треба да бидат објавени податоци за финансии, совет, услуги, локален економски развој, социјална заштита, образование, животна средина, комунални дејности, урбанизам, спорт, градинки и домови за стари лица.

Целосно е надминат проблемот со стариот и дотраен котел за затоплување на Основното училиште „Свети Кирил и Методиј“ во Велес. Градоначалникот Славчо Чадиев денеска го пушти во употреба новиот парен котел, кој се набави со средства од Буџетот на Општината. „Досега во училиштето континуирано имавме проблеми со затоплувањето. Новиот котел значи дека тоа ќе биде минато. Од денеска па во иднина учениците и вработените ќе престојуваат во добро затоплени простории„рече Градоначалникот на Општина Велес, Славчо Чадиев. Новиот парен котел работи на нафта.

Заврши двегодишниот проект „Зајакнување на капацитетите на општинските службеници и локални претставници за родово одговорно буџетирање“. На последната конференција на 31 октомври беа презентирани добрите практики од три општини: Велес, Битола и Боговиње. Ангажираните експертки во Проектот изнесоа дел од анализите кои ги направија во однос на предизвиците со кои се соочува локалната власт во насока на обезбедување на адекватен пристап за спроведување на активности за родова еднаквост и родово одговорно буџетирање.

Дефинирањето на приоритетите во годишните програми за работа на Општината во 2017 година и редовниот контакт со граѓаните од сите населени места се главните цели на средбите со граѓаните кои вечерва ги оствари Градоначалникот Славчо Чадиев. Тој се сретна со жителите на Месните заедници во селата Црквино и Караслари. На средбите лично ги слушна приоритетите на месното население. Тие најчесто се на полето на уредување на градежното земјиште. Во село Црквино, граѓаните побараа изградба и уредување на центарот на селото, подобро улично осветлување и поставување на легнати полицајци за побезбеден сообраќај.

Претседателот на Република Македонија Ѓорѓе Иванов денеска во посета на Општина Велес. Тој оствари средба со Градоначалникот Славчо Чадиев, на која присувствуваше и пратеникот Илија Димовски. На средбата Градоначалникот ги презентираше сите проекти кои локалната самоуправа досега ги реализираше во 2016 година, а воедно Претседателот Иванов ја слушна визијата за идниот развој на градот. Освен во општината, Претседателот денеска ја посети и Повардарската Епархија, каде разговараше со Митрополит Повардарски Г. Агатангел, а потоа беше во компанијата „Маркарт“ во Индустриската зона „Караслари“.

Делегација од збратимениот град Свиштов, Република Бугарија е во посета на Општина Велес. Целта е да се разменат искуства и добри практики на полето на образованието. Претставниците од бугарската делегација ќе ги посетат училиштата, градинките и ученичкиот дом за да го видат начинот на кој тие функционират. Денеска ја посетија општината. Градоначалникот Чадиев им посака добредојде. Им порача дека Општина Велес им стои на располагање, евентуална помош и асистенција во сите општествени дејности. „Образованието е голема и комплексна дејност.