Република Македонија е во географскиот регион во кој е присутнa трговијата со луѓе, и е идентификувана како земја на транзит и крајна дестинација. Во обидите за градење единствен пристап на земјите од Југоисточна Европа за афирмирање на човековите права, но и за борба против транснационалниот организиран криминал, Република Македонија ги прифати сите релевантни документи на Обединетите
Нации и Европската Унија.

Денес од страна на градоначалникот Славчо Чадиев беше извршен увид на завршените градежни активности за уредување на улица во Башино село.

Денес, градоначалникот Славчо Чадиев заедно со новите сопственици на фабриката „Киро Ќучук“, македонско-турскатата компанија „Еуро брик“ извршија увид во работните активности за отпочнување на фабриката.

Денес со неколку настани се обележа Меѓународниот ден на лицата со посебни потреби.

Најголемиот акцент беше на настанот со високи човечки вредности, пуштањето во употреба на првиот лифт во ООУ „Васил Главинов“ кој воедно е прв во градот, регионот и пошироко. Ова е лифт кој беше дел од ветувањата на градоначалникот се со цел да се помогне на лицата со посебни образовни потреби, а секако и на нивните родители.

Oколината на комуналната депонија беше локацијата каде во рамките на 16-тата по ред Национална акција „Ден на дрвото 2015” се засадија околу 80.000 листопадни садници на површина од 20 хектари. Река од ученици и нивните наставници, вработени во администрацијата, јавните претпријатија, припадници на АРМ, вработени од ЈКП „Дервен" и граѓани на Велес активно се вклучија во акцијата „Ден на дрвото" за да придонесат во создавањето на здрава и чиста животна средина за сегашните и идните генерации.

Општина Велес беше домаќин на Француска вечер- билатерален културен настан за промоција на францускиот јазик и култура. Во улога на домаќин, м-р Славчо Чадиев Градоначалник на Општина Велес, на француската амбасадорка Лоранс Оер и ја претстави макетата на замокот Равале од Шербур во Младинскиот парк како и изложбата посветена на сакралната архитектура во Велес и Велешко отворена во ликовниот салон.

Во дворот на ООУ „Васил Главинов” се поставува нова вежбалница. Со нејзината изградба, ќе се исполнат барањата на голем број спортисти и млади луѓе од овој дел на градот кои токму овде ќе можат да вежбаат и да го поминуваат своето слободно време.

Во организација на Советот за јавно здравје при Општина Велес, а по повод Светскиот ден за борба против ХИВ/СИДА, во големата сала во Општина Велес со почеток во 12:00 часот се одржа трибина на тема „Сведи на нула – информирај се, тестирај се и не дискриминирај“.

Викендов во збратимениот град Самобор од Република Хрватска свечено беше откриена натписната плоча на мостот кој го носи името на Велес. Плочата заеднички ја открија градоначалникот на Самобор Крешо Бељак и градоначалникот на Велес Славчо Чадиев.

Центарот за развој на Вардарски плански регион потпиша нови договори со Министерството за локална самоуправа – Биро за регионален развој за два нови проекти, и тоа за проектот “Уредување на Спомен Костурница во Општина Неготино” и за проектот “Реконструкција на фасадa во ССОУ “Коле Неделковски” - Велес”.