Денес на верскиот празник Свети Никола градоначалникот Славчо Чадиев беше во посета на Башино село. Поголем дел од граѓаните на ова населено место денешниот празник го прославуваат како куќна слава. Ним градоначалникот им посака уште многу мигови на разбирање, љубов, надеж и бериќет во секој дом.

Во Велес денеска по седми пат се одржа манифестацијата „Ден на турската култура и традицијa” која е во организација на ЗГ „Јени Хајат” и Општина Велес.

Вечерва во Ликовниот салон во Велес свечено беше отворена изложбата „Замоци, дворци и споменици на УНЕСКО во Република Чешка“.

Средното стручно училиште „Коле Неделковски“ денес, обележа 50 години. Неговите почетоци пред половина век се тесно поврзани со индустријализацијата на Велес. Најголемиот дел од вработените во тогашните индустриски гиганти своето образование го стекнале токму во ова училиште.
Денес, половина век потоа значењето на училиштето е уште поголемо. Велешкото стопанство е во подем, а тоа значи дека му требаат кадри што ќе одговораат на потребите на новите стопански капацитети, образовни профили што ќе ги следат трендовите на технолошкиот развој, но и планираните развојни перспективи на општината.

Градоначалникот на Општина Велес Славчо Чадиев денес, имаше средба со министерот без ресор во Владата на Републука Македонија Неждет Мустафа.

По разговорот во кабинетот, извршија увид на улиците кои за прв пат беа уредени.

Општина Велес го изготви предлог-буџетот за 2016 година. Тој тежи нешто повеќе од 906 милиони денари. Истиот ќе биде ставен на гласање на следната седница на Советот на Локалната самоуправа. Предлог буџетот веќе е јавно објавен и достапен за сите граѓани како и за оние кои следната година ќе користат буџетски средства.

Во организација на Француската асоцијација на градови со историја и уметност, на 9-ти и 10-ти декември годинава, во Елбасан, Албанија се одржа конференција посветена на улогата на локалната самоуправа во заштитата на културното наследство.

Прифатената во 1948 година Повелба за човекови права се смета за неформален устав кој ги гарантира правата на човекот. Таа ги признава човековите права и слободи како дадени по раѓање, обезбедува рамноправност и гарантира заштита од насилство, лош третман и казни кои влијаат на човечкото достоинство.

На локацијата позади Гимназијата „Кочо Рацин” екипи на ЈКП „Дервен” oвие денови ги монтираат реквизитите за нова вежбалница. Со нејзината изградба, ќе се исполнат барањата на голем број спортисти и млади луѓе од овој дел на градот кои токму овде ќе можат да вежбаат и да го поминуваат своето слободно време.