Соопштенија
СООПШТЕНИЕ ЗА ЈАВНОСТ
Општина Велес ја информира јавноста дека по одржаниот состанок на Општинскиот штаб за заштита и спасување на ден 12.5.2019 година беа договорени соодветни активности и се донесоа заклучоци кои ќе се спроведуваат во однос на најавата од невреме во следниот период.
Честитка од Градоначалникот Коцевски по повод Светскиот ден на Црвениот крст и Црвената полумесечина
Почитувани претставнички и претставници на Црвениот крст и Црвената полумесечина,
Во свое лично име, во име на Советот на Општина Велес и во име на граѓанките и граѓаните, ви го честитам 8 Мај, Светскиот ден на Црвениот Крст и Црвената полумесечина.
Честитка од Градоначалникот Коцевски за Светиот месец Рамазан
Почитувани сограѓанки и сограѓани,
Во свое лично име, во име на Советот на Општина Велес и во име на граѓаните на Велес, на сите сограѓанки и сограѓани со исламска вероисповед ви го честитам Светиот месец Рамазан и почетокот на Рамазанските пости.
Честитка од Градоначалникот Коцевски по повод 1. Мај
Почитувани сограѓани и сограѓанки,
Со голема благодарност за Вашиот придонес во развојот на Велес, во свое лично име и во име на Советот на општината Ви го честитам, 1-ви Мај, Меѓународниот ден на трудот.
Ви посакувам многу успех во борбата за еднакви права и достоинство на сите работници кои со својот труд и посветеност придонесуваат за развојот на демократско и напредно општество.
Честитка од градоначалникот Аце Коцевски до граѓаните од католичка и протестантска вероисповед
Со голема благодарност за придонесот во негувањето на соживотот и највисоките човечки вредности во нашата заедница, на сите сограѓани и пријатели на Велес од католичка и протестантска вероисповед, во свое лично име, во име на Советот на Општина Велес и во име на граѓаните им го честитам големиот празник Воскресение Христово-Велигден.
Јавна расправа по Студија за оцена на влијанието врз животната средина за Проектот: Експлоатација на техногена минерална суровина (тмс) на локалитет Баш Колиби во општина Велес
Информација за одржување на Јавна расправа по Студија за оцена на влијанието врз животната средина за Проектот:
Експлоатација на техногена минерална суровина (тмс) на локалитет Баш Колиби во општина Велес
Честитка од Градоначалникот Аце Коцевски, по повод Светскиот ден на театарот
Почитувани,
Со искрена благодарност за Вашиот придонес во развојот на театарската уметност како една од најголемите културни вредности на Велес, во свое лично име, во име на Советот на Општина Велес и во име на граѓаните, Ви го честитам 27. Март, Светскиот ден на театарот.
Соработка со Хабитат за енергетски поефикасен Велес
На 26 март годинава, организацијата „Хабитат-Македонија“ ја одржа првата работилница за подготовка на акциски план за енергетска ефикасност во стамбениот простор.Активноста е дел од проектот „Енергетска ефикасност на стамбени згради за домаќинства со ниски приходи“.
Известување за компаниите
Почитувани,
Фондацијата Претприемачки Сервис за Млади во рамки на проектот „Јакнење на капацитетите на малите и средни претпријатија преку подобрена поддршка за иновации“, финансиран од ЕУ, објавува конкурс до сите компании регистрирани во државата за избор на „Иновативно претпријатие на годината“.