Во индустриската зона „Караслари” каде наскоро се очекува да започне со работа првата фабрика на германската компанија „Маркарт” а истовремено се градат и другите капацитети, се превземаат активности за инфраструктурно доуредување. За таа цел, овие денови интензивно се работеше на асфалтирање и уредување на пристапниот пат.

Заврши изградбата на потпорниот ѕид кај новиот кружен тек при влезот на градот. Ѕидот се простира на должина од околу 88 метри со висина од 4 метри. Истиот ке ја зголеми безбедноста на патот и сообраќајот од одрони на земјиштето.

Во рамките на својата работна агенда градоначалникот Славчо Чадиев посети и неколку јавни места каде што денес се врши обнова и реконструкција на урбаната опрема. Според она што можеше да се забележи од терен најголеми оштетувања се направени во детското игралиште „Дизни”.

Овие денови се превземаат активности за обнова и реконструкција на урбаната опрема на повеќе јавни места, која што изминатиот период беше значително оштетена. За таа цел се вршат поправи на уништените клупи, корпи за отпадоци, како и детски лулашки и други реквизите од детските игралишта.

На неколку сообраќајници во Општина Велес овие денови се поставија забавувачи на брзина на патот. На локациите кај „Долни Дукани “ и под „Трговскиот центар“ новите забавувачи на брзина имаат за цел да ја зголемат безбедноста и заштитата на пешаците во сообраќајот, како и избегнување на сообраќајните незгоди кои најчесто се случуваат поради неприлагодена брзина на патот.

Денешната посета на директорот на Агенцијата за млади и спорт Марјан Спасески беше искористена и за увид на тениските терени во Градскиот парк каде што од неодамна беа завршени активностите за нивна изградба. Според она што од лице место можеа да го видат директорот Спасески и градоначалникот Чадиев комплетирани се градежните работи, обележан е теренот а многу скоро се очекува да пристигнат и да се постават спортските реквизити.

Денес во селото Иванковци беше пуштено новото спортско игралиште кое ќе биде повеќенаменско. Изградбата ја финансираше Агенцијата за млади и спорт како дел од проектот на Владата на Република Македонија за изградба на 100 повеќенаменски игралишта, а вкупната сума потребна за реализација на овој проект изнесуваше околу 8.000.000 денари.

Магдалена Конева, ученичка во четврта година во СОУ Гимназија „Кочо Рацин“ од Велес е избрана за „Музата на Рацин“-заштитно лице на 52-рото издание на поетската манифестација „Рацинови средби“.

Изминатата недела делегација од Општината Велес предводена од Градоначалникот Славчо Чадиев и членови на Советот, оствари посета на Општина Бига од Република Турција.
Целта на посетата беше потпишувањето на Договорот за збратимување и взаемна соработка. На договорот свој потпис ставија двајцата градоначалници, Славчо Чадиев и Исмаил Ишик. Претходно Советите на општините Велес и Бига за таа цел донесоа и Одлуки за збратимување.

Градоначалникот Славчо Чадиев денес во просториите на Општина Велес одржа работна средба со Милтон Венрајт, британски микробиолог познат по своето истражување дека вонземски живот може да се најде во стратосферата. Неговите истражувања овој период се сконцентрирании и во стратосферата над територијата на Република Македонија. Заедно со македонски научници кои се дел од Славјанскиот универзитет наскоро ќе го направат и првиот ескперимент со пуштање на пробен балон на висина од 30.000 до 40.000 метри кој ќе ги собере микроорганизмите, за кои Венрајт смета дека доѓаат од вселената. Од неговата страна, градоначалникот Чадиев беше запознаен со сите досегашни истражувања и добиенти резултати од нив. Инаку Милтон Венрајт бил почесен универзитетски професор во Велика Британија и Саудиска Арабија. Од 2012 година е почесен професор во Бекингамскиот центар за астробиологија, на универзитетот во Бекингем, Обединетото Кралство. Има неколку значајни откритија од областа на микробиологијата, за бактерии и други микроби кои предизвикуваат рак и други болести.