Денес Градоначалникот Славчо Чадиев оствари средба со ракометарите на ГРК Борец. На средбата присуствуваше и пратеникот во Собрание на РМ, Илија Димовски.
„Она што пред три години беше само сон и приказна , денес стана реалност. Велес полека но сигурно ја враќа спортската мисла , ние не запираме овде продолжуваме и понатаму. Општина Велес како и граѓаните на Велес и понатаму ке продолжат со поголема поддршка, нашата цел е не само да го задржиме ова место тука да се пласираме меѓу првите три екипи“– рече градоначалникот Славчо Чадиев.

Чест и задоволство за Велес е што стана првата општина во Република Македонија која по успешната ресертификација го добива сертификатот за меѓународниот стандард ИСО 9001 од Институтот за стандардизација на Република Македонија.
Велес е една од малубројните општини во Македонија кои веќе 6 години го применуваат стандардот и првата во државата која го има интегрирано овој стандард во електронски систем за управување со документи.

Градоначалникот на Општина Велес Славчо Чадиев, денес ги посети куќите на уметноста каде што се одвиваат етно-работилници во кои се учи грнчарскиот, столарскиот, ткајачкиот занает и занаетот за изработка на накит. Вредните раце на триесетина ученика од основните училишта во градот, поделени во четири групи ги запознаваат тајните на овие занаети во куќата на Рацин, Главинов, Касапови и Џинот.

Од вечното почишалиште на Коста Солев Рацин, Спомен Костурницата, во саботата по 52 пат беше испратена пораката дека љубовта и болката се две детерминанти кои го определуваат поетското суштествување. Преку патување низ вечноста и бесмртноста низ крикот на билката и љубовта Рацин и денес ги пренесува пораките до нас.

Вчера во Велес започна одбележувањето на годинешните Рацинови средби кои се 52-ри по ред од нивното создавање. Културната манифестација ја отворија младите ликовни уметници од Гимназијата „Кочо Рацин”. Тие почнаа да го изработуваат ѕидот на Рацин, кој се наоѓа во непосредна близина на Градскиот саат. Тој ќе претставува мотиви од животот и творештвото на велешкиот поет и револуционер.

Владата на Република Македонија отстапи простор во објектот на Агенцијата за вработување во Велес за Дневен центар на лица со оштетен вид. Станува збор за заеднички проект на Општина Велес и МТСП.

Вчеравечер во салата „Бели Мугри”, Општинското музичко училиште „Стефан Гајдов“ од Велес со свечен концерт одбележа 70 години од постоењето и 110 години од раѓањето на својот патрон. На концертот со популарните дела од класичната музика од Моцарт, Бетовен, Бах Хајдн, Шопен Дворжак, Бах, Шуберт и други композитори на пијано, виолина, виолончело, флејта, кларинет и гитара настапија најдобрите ученици од ова училиште, со поддршка и придружба на своите професори и ментори.

Годинешните Рацинови средби – 52-ри по ред се реализираат по пат на делегирана надлежност на Здружението на граѓани ИФАД „Стоби“. Организаторот согласно програмата што ја понуди за оваа културна манифестација од национално значење ја задржа поентата на средбите – негување на култот кон личноста и делото на Рацин достојно на неговата историска величина и значење за македонската култура и литература.

ЈКП „Дервен” овие денови продолжува со извршување на зацртаните активност во рами на летното разубавување на градот. Во овој правец, на повеќе локации низ градот беа засадени нови сезонски цветни аранжмани.

Ансамблот за народни песни и игри „Танец“, во рамките на проектот „Велес-Град на културата за 2015 година”, вчеравечер во преполната сала на Народниот театар „ЈХК Џинот” одржа концерт кој од многубројната публика беше поздравен со бурен аплауз и овации.