Дваесет и осум годишниот Драган Илков беше најсреќен од 94-цата велешани кои годинава се фрлија во водите на Вардар во потрага по светиот крст.

Почитувани

Од името на Општина Велес, дозволете ми на сите православни верници да им го честитам големиот христијански празник Богојавление - Водици, со желба за добро здравје, лична среќа и успех на сите полиња од животот.

Велес е лулка на македонската писменост. Во Велес се темелите на драмската уметност поставени од Џинот. Со овие зборови градоначалникот на Општина Велес Славчо Чадиев во новата театарска зграда го отвори првиот настан „Ноќ спроти Водици” со кој се означи стартот на проектот „Велес – Град на културата за 2015 година”.

По повод престојот на учениците и професорите од збратимениот град Шербур Октевиљ денес амбасадорката на Република Франција госпоѓа Лоранс Оер, како и заменичките градоначалнички од Шербур, Г-ѓа Мјуриел Жозо - Мариње и Г-ѓа Гилен Годен ги посетија македонските и француските ученици и професори во ОССУ „Коле Неделковски“ и ги проследија нивните активности. На настанот присустуваа градоначалникот Славчо Чадиев и претседателот на Советот Александар Колев.

Како што веќе и е познато на јавноста Велес вчера и официјално го доби решението на стручната комисија со кое се прогласува за „Град на културата во Република Македонија“ за 2015 година. Проектот содржи 67 манифестации кои продуцираат околу 200 културни настани од различни жанрови – Филм, музика, театар, фолклор, литература, ликовна уметност, опера и балет.

Образованието е еден од врвните приоритети во работата на Општината. Директната надлежност од основањето на училиштата, па до решавањето на сите проблеми што се јавуваат во образованието е поврзана со Општината – со Советот и со Градоначалникот. Одтаму и потребата за континуирана и директна комуникација со директорите на училиштата.

Велес од денес официјално е прогласен за Град на културата за 2015 година. Oваа одлука денес на пресконференција во Министерството за култура, беше соопштена од страна на Министерката Елизабета Канческа Милевска.

Велешките занаетчии денеска го слават празникот посветен на Свети Василиј Велики. Одбележувањето на празникот традиционално се одржува во манастирот св. Димитрија каде во присуство на свештеници од Повардарската епархија беше скршен и светиот колач.

Од 12 до 19 јануари годинава, во Велес престојува делегација од 36 ученици и шестмина професори од гимназијата „Алекси де Токвиљ“ од збратимениот град Шербур Октевиљ Република Франција. На 13-ти јануари годинава гостите од Франција ги прими Градоначалникот Славчо Чадиев кој им посака срдечно добредојде во Велес.

Повардарската епархија, денеска на големиот христијански празник Рождество Христово – Божиќ, организираше забава за луѓето со церебрална парализа.