Денес во селото Караслари започнаа градежните активности за изградба на ново спортско игралиште кое ќе биде повеќенаменско. Изградбата ја финансира Агенцијата за млади и спорт, а вкупната сума потребна за реализација на овој проект изнесува околу 7.500.000 денари. Спортскиот терен треба да биде завршен до крајот на месец Август.

Денес во Општина Велес беше одржана стрчна расправа за предложената Нацрт Измена и дополна на Генералниот урбанистички план за дел од УЕ 4, УБ 32 и УЕ 9 УБ 47, Општина Велес за планскиот период 2015-2025 година. Расправата беше искористена и за информирање на јавноста за постапките на Локалната самоуправа кои се кои се однесуваат на покривањето на Градскиот пазар, чија локација е опфатена во овој ГУП.

Вчера во Канцеларијата за врски во Скопје при Јапонската Амбасада во Виена беа потпишани договорите од програмата за поддршка на мали проекти - Japanese Grant Assistance for Grassroots Human Security Projects (GGP) за јапонската фискална година 2014 во износ од 259.998 евра за имплементација на четири проекти во Македонија.

Денес во просториите на Општина Велес, градоначалникот Славчо Чадиев оствари средба со младите сограѓани Тамара Савевска и Синиша Јовиќ кои од 7 до 11 мај ќе учествуваат на престижен научен собир на средношколци во Хјустон, Тексас, САД. На натпреварот, млади истражувачи од целиот свет ќе ги презентираат своите истражувања од областа на енергијата, инженерството и животната средина. Оваа година помеѓу стотиците проекти кои конкурираа, беше и проектот на Тамара и Синиша на тема „Портланд цемент и хидратна вар – ефикасни неоргански адитиви за стабилизација/ жсолидификација на згура богата со цинк и олово“. Ним денес од страна на градоначалникот Чадиев им беше ветена поддршката на општината за претстојното патување.

Во рамките на проектот „Велес-Град на културата за 2015 година, денес во Велес гостуваше Македонската филхармонија, каде што под диригентство на маестро Борјан Цанев се претстави со симфониски концерт наменет за најмладите. Оркестарот настапи во новиот велешки театар „Јордан Хаџи Константинов - Џинот“, каде ја изведе популарната оркестарска свита „Петре и волкот“.

Денес во просториите на Општина Велес, Градоначалникот Славчо Чадиев заедно со Министерот за транспорт и врски Миле Јанакиески на 70-тина граѓани свечено им ги доделија решенијата за легализираните објекти.

Денес во велешката касарната „Алексо Демниевски – Бауман" се одржа свеченост по повод давање заклетва на војниците на доброволно служење на воениот рок од упатниот контингент „Февруари" 2015 година.

Вчеравечер, во салата „Бели Мугри“ со почеток во 18 часот беше промовирана книгата „Сончевата трпеза“ од велешката авторка Лила Арсова, како прв настан во месец Март (05.03.2015) во рамките на проектот „Велес-Град на културата 2015“. Промоторот на книгата г-ѓа Нада Алексоска даде критички осврт кон содржината на книгата, топло ја препорача на детските читатели и и посака на авторката понатамошни успеси во идните нејзини творештва.

Во текот на вчерашниот ден во Спортската сала „Гемиџии“-Велес пред публика од 600 гледачи: ученици, наставници и граѓани се одигра финалниот натпревар во ракомет – пионери меѓу екипите на ООУ „Васил Главинов“ 1 и ООУ „Св. Кирил и Методиј“.