Во рамките на проектот „Велес – Град на културата за 2015 година” вчеравечер во Ликовниот салон беше промовирана најновата книга на Игор Крајчев „КРУГ полу КРУГ”. Промотори на делото беа универзитетскиот професор д-р Венко Андоновски и ректорот на Универзитетот „Св. Климент Охридски“ од Битола, проф. д-р Златко Жоглев. Присутните гости имаа можност да слушнат дел од поезијата во интерпретација на Кети Борисова.

Синоќа во Ликовниот салон во Велес во рамките на проектот „Велес – Град на културата за 2015 година” се одржа „Вечер на популарни арии”. Присутните имаа несекојдневна можност да ги слушнат овие арии во изведба на Наташа Пандазиева – мецосопран и Наташа Трбојевиќ – пијано. Следниот настан од проектот „Град на културата” e веќе утре. Во салата „Бели Мугри” со почеток од 19.00 часот ќе биде одржан Концертот за виното и љубовта насловен како „IN VINO VERITAS".

Во организација на Општина Велес денес во Големата сала на Општина Велес се одржа трибина насловена „Подигнување на свеста кај младите за претприемништво“. Презентери на трибината беа: Доц. д-р Стеван Габер од Економскиот факултет при Универзитетот „Гоце Делчев” од Штип; Маја Талеска – Панова од ССОУ „Јовче Тесличков” Велес; Трајче Трајков - Претседател на Регионалната стопанска комора со седиште во Велес и Стефанка Витевска, од Агенцијата за вработување на Република Македонија – ПЕ Велес.

Почитувани новинари, почитувани сограѓани,
Дозволете ми најпрво да изразам искрено жалење што во текот на вчерашниот ден кога Велес осамна со последиците од катастрофалниот пожар во населбата „Дворови” чиј исход ни е познат на сите нам, СДСМ преку пресконференција се обиде на своето конто да додаде ситни политички поени. Овој пат, од само ним познати причини, ги искористија природните непогоди и големите колични на надојдени води од реката Вардар, за да ја обвинат локалната самоуправа и директно мене како градоначалник дека не се превземени никакви чекори, цитирам „гледајќи сeир со скрстени раце”.

Денес од ООУ „Благој Кирков” и ООУ „Јордан Хаџиконстантинов Џинот” започна реализацијата на трибините за превенција од болести на зависности. Tие ќе се одржуваат во сите основни и средни училишта на територијата на Општина Велес.

Компании членки на Стопанската комора на Македонија со седиште во Велес средните и основни училишта од Велес учествуваа на Инфо денот одржан во Велес како дел од новиот циклус на промотивни активности за програмата „Еразмус плус“ во организација на Националната агенција за европски образовни програми и мобилност Регионалната Стопанска комора со седиште во Велес.

Страшен пожар синоќа избувна во велешката населба „Дворови”. Целосно изгореа домовите на семејствата Јанушеви и Бошкови. Речиси ништо не остана и од шивачката работилница во близина, а огнот зафати уште три куќи од соседството. 74 годишна жена го загуби животот откако остана затрупана под урнатините во пожарот. 12 лица останаа без покрив над главата.

Денес во село Чолошево се изврши осветување на крстот за новата црква Св. Илија која се гради во чест и слава на светиот пророк Илија. Осветувањето на крстот го извршија свештениците на Повардарската епархија при МПЦ-ОА. На настанот покрај жителите од ова населено место присуствуваа градоначалникот Славчо Чадиев и пратеникот во македонското собрание Ѓорѓи Коџабашиев. Инаку новата црква се простира на стотина метри квадратни и ќе служи за потребите на селото Чолошево кое брои околу 300 жители, но и на околните населби Дурутовец и Трпезица.

Oпштина Велес во соработка со Центарот за граѓански комуникации денес организираше работна средба со д-р Стјуард Гилман од „Global Integrity Group“ од Вашингтон, САД. На средбата покрај градоначалникот Славчо Чадиев присуствуваа и членовите на тимот на локалната самоуправа задолжени за имплементација на системот на интегритет како и претставници на локални институции, невладини организации и здруженија на граѓани.