Велешаните Ивица Илиев и Миле Ордев се ракометарите кои од идната натпреварувачка сезона ќе бидат дел од Градскиот ракометен клуб „Борец”, кој според последниот бараж натпревар останува во Супер лигата. Целта е остварена, ракометниот клуб е се постабилен, истовремено зајакнувајќи се со нови и квалитетни имиња. Денес, играчите и управата остварија средба со градоначалникот Чадиев при што беа сумирани впечатоците од сеозната која измина, а беа направени и планови и анализи за во иднина.

Изборот на најбезбедно и најчисто училиште го изврши стручна комисија, формирана од Министерството за образование и наука, врз основа на пристигнати апликации и увид во самите училишта. 
За најбезбедни и најчисти основни училишта избрани се: ООУ „Тошо Велков Пепето“ – Кавадарци - прво место; ООУ „Васил Главинов“ – Велес - второ место и ООУ„Рајко Жинзифов“ - Велес (с.Долно Оризари) - трето место.

Со доделувањето на традиционалните награди „Рациново признание“ на Сашо Димоски и на Владимир Јанковски, како и „Почесното Рациново признание“ на проф д-р Борислав Павловски, вечерва во Народниот театар „ЈКХ Џинот“ во Велес беа затворени 53-тите Рацинови средби. Претходно во текот на целиот ден се оддржаа низа манифестации кои ја збогатија културната програма од годинашните средби во чест на великанот Коста Солев Рацин.

Вечерва во Велес започна одбележувањето на годинешните Рацинови средби кои се 53-ри по ред од нивното создавање. Културната манифестација претходно отворија младите ликовни уметници од Гимназијата „Кочо Рацин”, тие на „Ѕидот за Рацин“ под Градскиот саат во Велес го промовираа муралот „Ленка и тутуноберачите“. Во текот на денот следеа и останатите културни настани како изложбата „Грнчарски средби – Велес 2016”, засадувањето млади дрвца во „Рациновата шума“ кај скалилата кои водат кон Спомен костурницата од НОВ, процесијата „1000 свеќи за Рацин“ и традиционалното положување цвеќе пред споменикот на Рацин во центарот на градот.

На официјална покана од Општина Бига, Р. Турција, градоначалникот м-р Славчо Чадиев, со преставници на Советот на Општина Велес, Бесим Ахмедов и Митаат Маслак и делегација од Општина Велес беа на посета во збратимената Општина Бига, Р. Турција.
Целта на посетата беше продлабочување на соработката меѓу двете општини, размена на искуства и одржување на средби со бизнис секторот на кои им беа презентирани можностите за инвестирање во Општина Велес.

Во текот на денешниот ден се изведoa градежни активности за асфалтирање на улицата „Тодор Христов – Офицерчето”, која се наоѓа во близина на централната детска градинка. Станува збор за сообраќајница која е многу важна за градот и која беше во лоша состојба. Реконструкцијата на на улицата е предвидена во Програмата за уредување на градежно земјиште, во висина од 1.200.000 денари.

Во текот на денешниот ден во Општина Велес се одржа презентација на реализираните активности за Меѓуетничка интеграција во сите основни и средни училишта.
Ова е многу важно за градење на социјална и меѓуетничка кохезија. Ваквото образование ќе ги постави граѓаните во многу подобра позиција за активно да учествуваат во глобалното живеење на 21-от век.