На неколку сообраќајници во Општина Велес овие денови започна поставувањето на забавувачи на брзина на патот. Едниот од нив се наоѓа на локацијата кај детската градинка во населбата „Тунел”, додека другиот ќе биде поставен кај Гимназијата „Кочо Рацин”. Oвие забавувачи на брзина имаат за цел да ја зголемат безбедноста и заштитата на пешаците во сообраќајот како и избегнување на сообраќајните незгоди кои најчесто се случуваат поради неприлагодена брзина на патот.

Денеска на Градскиот фубалски стадион во Велес, стручни лица од Фудбалската Федерација на Македонија, вршеа селекција од 48-те пријавени кандидати за спортската паралелка во фудбал, за учебната 2015/2016 година.

Селекцијата за нови ученици се врши по региони низ цела територија на Република Македонија и се одвива во три фази: скаутирање од стручни лица, селекција од стручен тим и последна фаза, тестирање на психофизичките способности од страна на стручна комисија.

Се реконструира крак на улицата на „Наце Димов“ во населбата „Керамидна". Со овој зафат се решава долгогодишниот проблем на жителите од оваа улица.

Градоначалникот Славчо Чадиев денес ја продлжи работната агенда реализирајќи бројни теренски активности. При денешната посета на населбата „Хабитат“ заедно со стручните служби на локалната самоуправа направи увид за локациите каде во наредниот период ќе следат градежните активности. Притоа го разгледаа местото каде што ќе започне изградбата на новиот потпорен ѕид а ќе биде извршено и уредување на улицата. Потпорниот ѕид е од голема и приоритетна важност за изградбата на улицата која ке води до новите станбени згради. Со изградбата на овој ѕид ке се спречи понатамошно одронување и опасност, со што ке се зголеми и безбедноста на патот.

Градоначалникот на Општина Велес, Славчо Чадиев заедно со стручните служби на локалната самоуправа во текот на денешниот ден ја посети Индустриската зона „Караслари” и направи увид на градежните активности кои во моментот се одвиваат.
Притоа заедно со Генералниот директор на „Маркарт“ во Македонија, Волфганг Аихер ја посетија локацијата на која германскиот инвеститор „Маркарт“ интензивно ја гради својата фабрика.

Градоначалникот Славчо Чадиев во текот на денешниот ден во рамките на својата работна агенда направи увид на локацијата во близина на Малото мовче, каде што во текот на оваа недела ќе започнат градежните активности за изградба на нов паркинг простор. Со неговата изградба се очекува да се намали навалицата и гужвата, од левата страна на градот, но и од централното градско подрачје.

Почитувани граѓани,

Пред точно две години, на 19.04.2013 година, од страна на ОИК Велес на свечен начин го добив Уверението за верификација на мандат за Градоначалник на Општина Велес за периодот 2013 – 2017 година и официјално започнав со вршењето на оваа функција.

Во организација на Сојузот на клубовите на младите техничари и природници на Македонија, денеска во Велес се одржа 52-иот Државен натпревар. На натпреварот учество земаа 300 ученици од 120 основни училишта од Република Македонија кои освоиле први места на регионалните натпревари. На државното првенство беше присутен и претседателот на Советот на Општина Велес, Александар Колев.

Денеска и утре во Велес се одржува „МАССУМ“ - Образовно рандеву на средните стручни училишта. Во младинскиот парк беа поставени 27 штандови на учесниците. Тие ги презентира нивните образовни профили пред заинтересираните. Од Велес на „МАССУМ“ присутни беа трите средни стручни училишта „Димитрија Чуповски”, „Коле Неделковски” и „Јовче Тесличков”. 

Градоначалникот Славчо Чадиев денес го посети Саемот на книга, којшто овие денови се одржува во Велес, а е во организација на Кклубот Матица под мототo „Да”. Велешани и овојпат докажаа дека се големите љубители на пишаниот збор, купувајќи ги омилените книги. На овој начин граѓаните истовремено и донираа средства за нови наслови кои ќе бидат дел од Локалната библиотека „Гоце Делчев”.