Тим од Општина Велес аплицираше и е одбран за Интернационална тренинг програма “Enabling Local Democracy and Holistic Urban Planning through the SymbioCity Approach”. Оваа програма е во организација на Шведската влада, преку Business Sweden и SKL International и се фокусира на одржлив урбан развој на локално ниво. Тренингот се базира на SymbioCity пристапот како методологија за развој и зајакнување на институционалното урбано раководење, специјално креиран за менаџери и професионалци од областа на урбанистичкото планирање во локалните и регионални органи во Македонија, Србија, Турција и Грузија.

По повод обележувањето на Светскиот ден на аутизмот - 2 Април, ОЈУДГ „Димче Мирчев“ и ПОУ „Маца Овчарова“ во соработка со Општина Велес, денес реализираа презентација на тема „Подигање на свеста за аутизмот“.

Официјално денес се потпиша договор во Општина Велес помеѓу сопствениците на „Еуро Брик“ и Претседателот на СС, Васко Бојчев.

Денес во дворот на ОЈУДГ„Димче Мирчев“ Градоначалникот Славчо Чадиев заедно со најмладите засади садници во знак на обележување на Денот на пролетта – денови на екологијата. Носители и организатори се ЕД „Вила Зора“ и Општина Велес, а учесници учениците од сите основни училишта и дечињата од Детската градинка „Димче Мирчев“

Денес на плоштад „С’рмаале“ се одржа манифестацијата „Денови на пролетта“ со слоган „Размислувај глобално, делувај локално“. Носители и организатори беа ЕД „Вила Зора“ и Општина Велес, а учесници учениците од сите основни училишта, и дечињата од Детската градинка „Димче Мирчев“.

Во согласност со програмата за активностите на Општина Велес во областа на здравствената заштита за 2016 година, Општина Велес во соработка со Центарот за јавно здравје одпочна да го реализира проектот насловен „Социјалните медиуми и нивните ефекти врз младината“. Приоритетот на темата е утврден од Советот за јавно здравје на Општина Велес. Целна група претставуваат учениците од деветто одделение во основните училишта како и учениците од средните училишта во Општина Велес.

Општина Велес во соработка со Клубот на млади при Општинската организација на Црвениот крст Велес, се вклучи во Глобалната кампања на акцијата „Час на планетата земја“. Организатор на акцијата во Република Македонија беше Earth Hour Macedonia како дел од мрежата на WWF – World Wide Fund for Nature.

Денес проектот на УСАИД и Лајонс клуб Меѓународната Фондација за децата со пречки во видот, имплементиран од страна на Универзитетот на Југоисточна Европа , го одбележа отварањето на новиот ресурсен центар за деца со пречки во видот во Велес во поранешната зграда на ООУ „ЈХК-Џинот“.

Неодамна започнатите градежни активности за поставување на водоводен систем до новопланираната населба „Трпезица” и селата Дурутовец и Чалошево, продолжуваат со несмален интензитет.