Детската градинка „Димче Мирчев“ денес го одбележа својот патронен празник. На бистата на народниот херој Димче Мирчев цвеќе положија делегација Општина Велес, дечињата и вработените од градинката и членови на ОО на СЗБ од НОВ од Велес.

На 5ти април (вторник), со почеток во 18 часот, Планинскиот Филмски Фестивал „Ехо“ ќе проектира дел од својата програма во Народниот Театар ЈХК Џинот.
Со селекција од својата програма, покрај Велес, Планинскиот Филмски Фестивал „Ехо“ ќе се дружи со вљубениците во планините и планинските спортови во неколку градови во Македонија.

Денес по деветти пат се одбележува Светскиот ден на аутизмот. Датумот 2 април е избран во 2007 година од страна на Генералното Собрание на Обединетите Нации, со цел да се сврти светското внимание кон аутизмот како растечки глобален здравствен проблем, да се подобри квалитетот на животот на лицата со аутизам, да се згрижат тие лица, да им се даде рана дијагностика, ран третман, право на едукација и здравствена заштита.

Општина Велес и оваа година организираше традиционална манифестација по повод 1-ви Април – денот на шегата.

Посетеност и интерес кај учениците предизвикаа предавањата на тема „Социјалните медиуми и нивните ефекти кај младите“. Реализирани се 16 предавања во сите основни и средни училишта во Општина Велес.

Во населбата Речани во тек се градежни работи за уредување на улиците „Панче Васков“ и „Васил Иљоски“ како и дел од улицата „Хаџи Коста“. Активностите се дел од Програмата за уредување на градежно земјиште за 2016 година. Средствата во висина од 600.000 денари ќе бидат обезбедени од Буџетот на Општина Велес.

Градоначалникот Славчо Чадиев заедно со директорот на ЈКП „Дервен“ Фиданчо Цековски денес извршија увид во работата на започнатата реконструкција на канализационата и водоводната линија на улица „Наце Димов“ во населбата Керамидна. Должината на оваа канализационата линија која се реконструира изнесува околу 150 метри, а на водоводната 30-тина метри.

Денес ученици од IV одделение од ООУ,,Ј.Х.К-Џинот имаа работна прошетка низ општинската зграда што е и дел од нивната годишна програма. Учениците имаа можност да ja видат прес-салата и електронската сала и одблизу да се информираат за работата на општинската администрација, Советот на Општина Велес и функцијата Градоначалник.

Денес, градоначалникот Славчо Чадиев заедно со пратеникот во Собранието на Република Македонија, Илија Димовски направи увид на завршените бетонирани улици во с.Иванковци.