Во рамки на Проектот за унапредување на социјалниот дијалог, финансиран од Европската Унија (ЕУ), а спроведуван од Меѓународната организација на трудот (МОТ) денеска во Општина Велес се основа локален Економско-социјален совет.
Потписници на спогодбата се градоначалникот на Општина Велес, Славчо Чадиев, претседателот на Сојузот на синдикати на Македонија, Живко Митревски, претседателот на Организацијата на работодавачи на Македонија, Ангел Димитров, в.д. претседателот на Конфедерацијата на слободни синдикати на Македонија, Благоја Ралповски и претседателот на Бизнис конфедерацијата на Македонија, Миле Бошков.

Питијадата како културна манифестација се одржува по 12-ти пати. Терминот на одржување е од 9, 10 и 11-ти октомври 2015. И оваа година локацијата е на просторот пред кафетериите, на улицата „Благој Ѓорев“. Градоначалникот Славчо Чадиев денес на пресконференција ги презентираше сите детали за овогодинешната манифестација.
-„Имајќи ја предвид минатогоднешната манифестација општа констатација е дека се покажаа мошне успшена, далеку поуспешна од претходните години. Оваа локација нуди значително подобра организација на просторот и овозможува сите гости и учесници да имаат подеднакови услови, да се зачува зеленилото на тротоарите, а во истовреме да се овозможи слободно движење на гостите.” – истакна градоначалникот Чадиев.

Вчеравечер во рамките на проектот „Велес – Град на културата за 2015 година” на сцената на амфитеатарот во Младинскиот парк концерт одржа белградската џез група „Васил Хаџиманов бенд“. На концертот беше промовиран петтиот студиски албум на составот „Can you dig it?“, издаден во 2013 година, на кој има осум авторски нумери и една преработка на македонската „Марика мома убава“.

Еден ден по успешната организација на вториот велешки пливачки маратон, натпреварувачите од градот заедно со организациониот одбор беа примени од страна на градоначалникот Славчо Чадиев. На средбата, градоначалникот Чадиев честитајќи им го успехот на велешките пливачи и организатори истапка дека тој и општината секогаш настојуваат да им се помогне на луѓето кои спремни да се вложат во реализацијата на еден ваков значаен настан и луѓето покажуваат напредок во спортските резултати, притоа поддржувајќи ги во рамиите на можностите.

Вториот велешки пливачки маратон ја доби својата завршница. 2.5, 5 и 10 километри беа трите дисциплини во кои силите ги одмерија шесеетина пливачи, половина професионалци другите рекреативци. Нив ги поддржаа огромен број на граѓани како од градот така и од целата држава.
Најдолгата трка во 10 километри прв ја заврши Александар Илиевски (ПК „Студент”), пливајќи 2 часа 10 минути и 8 секунди пред поставената цел. Кај жените прва исплива Евита Насевска („ПК Бета“).

Синоќа во куќата на Касапови, свечено беше отворена 11-тата по ред ликовна колонија „Папрадишки мајстори”. Истата по пат на делегирана надлежност, ја организира Здружението на граѓани „Папрадишки мајстори“. Организаторите на Колонијата оваа година имаат обезбедено учество на 23 уметници од Полска, Русија, Словенија, Хрватска, Црна Гора, Србија, Бугарија, Унгарија и Македонија. Сите заедно се сместени во куќите на уметноста.

Во ТТПЕ Велес денес беше претставена опремата за брза интервенција која ќе се користи во случај на поплави или некоја друга катастрофа. Истата се состои од два гумени чамци еден мотор и пропратна опрема за нив.
-„Истовремено го кпмплетираме целиот сет со се она што е потребно од прирачен алат. Тоа се ортоми ,секири ,мотори за извлекување на вода. Чамците ќе ги појачаме уште со весла и 10 елеци за спасувачите и за луѓето кои ќе бидат спасени.” – истакна градоналалникот Славчо Чадиев.

Центарот за развој на Вардарски плански регион постојано се стреми кон подобрување на конкурентноста на Вардарскиот плански регион преку координирано делување на сите релевантни чинители (од една заедничка локација) во насока на подобрување на бизнис климата и поттикнување на економскиот развој на регионот. За таа цел, аплицираше со проект “Инфраструктурно уредување на јавен објект наменет за надградба на капацитетите на главните двигатели на економскиот развој во регионот”, односно проект наменет за реконструкција и адаптација на горниот спрат на поранешната зграда на Радио Велес, а моментално седиште на Мрежата за инклузивен развој на ВПР и Регионалната стопанска комора во Велес.

Оваа година по втор пат во водите на Езерото „Младост” ќе се одржи „Велешкиот пливачки маратон” на кој ќе бидат запазени сите пропозиции за одржување на манифестација од ваков вид.
По тој повод денес на пресконференција во Општина Велес беа образолежни сите детали за претстојниот настан.
Од страна на градоначалникот Славчо Чадиев беше истакнато дека локалната самоуправа дава максимална поддршка на развојот на спортот и тоа во сите спортски дисциплини, паралелно стимулирајќи го развојот на поединечните и колективните спортови.
-„Убедени сме дека успешната реализација на овогодинешниот пливачки маратон ќе ја потврди нашата сериозност и решителност во намерата за развој на пливањето како еден од индивидуалните спортови во кој нашите натпреварувачи постигнуваат одлични резултати”. – рече градоначалникот Чадиев.

Општина Велес ги доби решенијата за трите инфраструктурни проекти кои ќе се реализираат од Локалната самоуправа, а се подржани од Агенцијата за финансиска подршка на земјоделството и руралниот развој. Денес во рамки на посетата на село Чалошево од страна на градоначалникот Славчо Чадиев и пратеникот во македонското собрание Илија Димовски беа презентирани главните цели и детали за претстојната реализација на трите значајни проекти кои ќе бидат реализирани во соработка помеѓу локалната и централната власт.