Почитувани сограѓани

Велешани имаа можност и оваа година при „12-тата ВЕЛЕШКА ПИТИЈАДА“ да ја вкусат џиновската пита пастрмајлија.
Градоначалникот Славчо Чадиев заедно со пратениците во Собранието на Р. Македонија Илија Димовски и Ѓорѓи Коџабашиев ги угостија посетителите со парче пита.

Денес во Велес беше свечено беше отворен Дневниот центар за лица со оштетен вид. Станува збор за партнерски проект на МТСП и Општина Велес. Овој проект е дел и од Националната стратегија на лицата со инвалидност и на Локалниот акциски план на Општина Велес за лицата со инвалидност. После набавката на Брајовиот печатар ова е втор проект за две години што Општина Велес го реализира за овие граѓани.

Во Индустриската зона „Караслари” денес свечено беше пуштена во употреба новата фабрика на германската компанија „Маркарт“. На настанот присуствуваа претседателот на Владата на Република Македонија Никола Груевски, вицепремиерот за економски прашања Владимир Пешевски, министерот за странски инвестиции Веле Самак, градоначалникот Славчо Чадиев, главниот извршен директор на „Маркарт групацијата” Харлд Маркарт, генералениот менаџер на Маркарт Македонија Волфганг Ајхер, како и пратениците во Македонското собрание, членови и претседателот на Советот на општината.

Вчеравечер на сцената на Народниот театар „ЈХК Џинот” во Велес беше промовирано новото ДВД-издание по повод 60 години Ансамбл „Керамичар”.
Во изминатите 6 децении, „Керамичар” покажа дека е вистински културен амбасадор на Велес и Македонија, кој специфичниот македонски фолклор го доближи до луѓето од сите меридијани, во над 22 земји од Европа и Светот.

Градоначалникот Славчо Чадиев во рамките на неговата работна агенда денес изврши увид на крајните градежни активности на новиот кружен тек кај местото „Авона”. По завршните земјени работи и поставување на осветлувањето, се изврши и асфалтирање на кружната површина. Пуштањето во употреба на новата сообраќајница е планирано за оваа недела.

Денес, во просториите на Општина Велес, Градоначалникот м-р Славчо Чадиев оствари средба со госпоѓа Лоранс Оер, Амбасадорка на Република Франција во Република Македонија.
На средбата, Градоначалникот Чадиев ја запозна г-ѓа Оер со реализираните и тековните активности во рамките на билатералната соработка со Шербур Октевиљ во размената на ученици и заштитата на културното наследство, соработката со Француската национална асоцијација на градови со историја и уметност, како и започнатата соработка помеѓу Вардарскиот плански регион и регионот Алзас на планот на винопроизводството и винскиот туризам.