Со игра, песна и креативност, најмладите велешани од сите клонови на градинката „Димче Мирчев“ го прославија 9 Ноември, Денот на Општина Велес. На манифестацијата насловена „Децата за Велес“ што денеска се одржа во Младинскиот парк, децата и нивните наставници презентираа макети од најзначјните знаменитости на Велес како Саат кулата, Спомен-костурницата, Мало мовче, споменикот на Гемиџиите.

По повод 9. Ноември, Денот на Општина Велес, градоначалникот Аце Коцевски денеска традиционално организираше прием за делегација на Општинската Организација на Сојузот на борците.

По повод Денот на Општина Велес 9. Ноември, вечерва во Ликовниот салон беше промовирана книгата етноафоризми „Умот на крлашка“ од Атанас Крлевски.

Во преполната сала на Народниот театар „Јордан Хаџи Константинов –Џинот“, на 6. ноември годинава беше отворено 51. издание на манифестацијата „Детски Рацинови Средби“. Во присуство на претставници од општествено-политичкиот живот и над 300 ученици и ментори од повеќе градови во Македонија, средбите ги отвори градоначалникот Аце Коцевски.

Во рамките на одбележувањето на 9-ти Ноември、Денот на Општина Велес, денеска во салата „Бели Мугри“ се одржа противпожарен квиз-натпревар, на кој учествуваа сите општинските основни и средни училишта од Велес.Овој натпревар се одржува по 36 ти пат и е во организиција на Општинскиот противпожарен сојуз со поддршка на Општина Велес.

Денес, во големата сала на Општина Велес граѓаните имаа можност да учествуваат на јавната расправа по однос на нацрт -документите за работа на Општината во 2019 година. Претставниците на здруженијата на граѓани, урбаните и месните заедници, спортските клубови и други заинтересирани граѓани земаа активно учество во дискусијата која се водеше по презентираните 14 нацрт документи кои се однесуваат на изградбата на општинската инфраструктура, животната средина, образованието, културата, спортот, младите и воопшто сите области на надлежност.

Како одговор на новинарско прашање, на прес конференцијата, на 5.ноември годинава, градоначалникот Аце Коцевски нагласи дека од формално правен аспект Одлуката на Советот за утврдување на цена на водата за пиење не е донесена. За одлуката која беше на дневен ред на 22 та седница на советот, одржана на 2.ноември годинава, гласаа 10 советници, 7 беа против, 2-ца воздржани поради судир на интереси, а еден се иззема од гласање.

На прес конференцијата одржана на 5. ноември годинава, градоначалникот Аце Коцевски ги повика граѓаните, особено жителите на населбите „Тунел“ и „Превалец“ активно да се вклучат во јавната расправа што Министерството за животна средина е надлежно да ја организира откако компанијата „Техно Павер“ до министерството доставила барање за А интегрирана еколошка дозвола.

Градоначалникот Аце Коцевски на прес конференција ја извести јавноста за средствата потрошени за реализација на фестивалот на пити и вино.„ До овој момент обврските по прокнижени фактури изнесуваат 2.222.642 денари или 36.140 евра.

„Загрижен сум од недостигот на култура на живеење на дел од нашите сограѓани. Вчера бев фрапиран од глетката зад зградата на Работничкиот универзитет каде на две места беше истурено комиње. Апелирам до сограѓаните добро да ги воспитуваат своите деца и самите да ги применуваат правилата на културно урбано живеење“, рече на денешната прес конференција градоначалникот Аце Коцевски.