Во организација на Федерацијата на пеливанско борење на Република Македонија и Општина Велес и пеливанскиот клуб „Пеливан“ од Велес како технички организатор, традиционално по 12 пат ќе се реализира спортската манифестација Турнир во борење со пеливани. Ова денеска на прес конференција го соопшти градоначалникот Аце Коцевски.

Градоначалникот Аце Коцевски денеска на прес конференција ја презентираше програмата на претстојниот фестивал на пити и вино што ќе се одржи од 19 до 20 октомври. „Решивме во рамките на скромниот буџет да ја организираме манифестацијата со домашни музички ѕвезди и да покажеме дека не мора секогаш да се трошат огромни средства за странски изведувачи.

Програма „Фестивал на велешка пита и вино 2018“

184 стрипови од 24 земји во светот го создадоа мозаикот на 16-то издание на Меѓународниот салон на стрип. Вечерва, на свеченото отворање на салонот кој се одржува со финансиска поддршка на Општина Велес, признанието за афирмација на стрипот на годинешниот добитник Игор Стевковски-Стевац му го додели градоначалникот Аце Коцевски.

Денес во просториите на Центарот за развој на Вардарски плански регион  се воведе во работа изведувачот на работите на проектот "Изградба на систем за водоснабдување во Индустриска зона Мамутчево". Изведувачот на работите е Друштвото за градежништво, трговија и услуги „Евро-Инженеринг увоз- извоз ДООЕЛ“- Велес.

Драги сограѓани,

Со благодарност за Вашиот несебичен придонес во развојот на Велес, издигнат од храброста и саможртвата на многу генерации револуционери и претставници на македонската авангарда, во свое лично име и во име на Советот на Општина Велес Ви го честитам 11 Октомври, Денот на народното востание на македонскиот народ.

Во организација на Општина Велес, а во соработка со Сојузот на борците од НОАВМ Велес, денеска свечено беше одбележан 11 Октомври, Ден на народното востание на македонскиот народ. На свеченоста што се одржа на Спомен костурницата, делегации на Општина Велес, Сојузот на борците од НОАВМ, АРМ, институции, установи, политички партии и здруженија на граѓани положија цвеќе пред вечниот паметник на хероите на Велес и Македонија.

Во рамките на официјалната посета на Град Ужице, Република Србија, градоначалникот Аце Коцевски кој ја предводеше делегацијата на Општина Велес оствари средба со Тихомир Петковиќ, градоначалник на Град Ужице посветена на отворените можности за продлабочување на соработката во сите области од заеднички интерес.

Деновиве активно се работи на реализација на проектот за бетонирање на улицата „Партизанска“ во Иванковци. Компанијата „Тргоцемент“ ангажирана од Општина Велес  врши ископ на земјен материјал, тампонирање, валирање и бетонирање на улицата во должина од 420м, со просечна широчина од 4м. Од буџетот на Општина Велес се издвоени средства во износ од 1.600.000,00 денари.

Општина Велес деновиве стартуваше со проектот за реконструкција на кровот на машинската работилница и кровот на сервисната работилница во ССОУ „Коле Неделковски“. За реализација на проектот од буџетот на општината се издвоени средства во износ од 3.296.920,00 денари. Изведувач на гредежните работи е градежната компанија „Делта Пром Инженеринг“ од Велес.