Во чест на Коста Солев Рацин и неговата безвремена поезија, локалната библиотека „Гоце Делчев“ и Здружението на слепи лица –Велес на 28 ноември годинава промовираа аудио издание на збирката „Бели мугри“.

„Македонската челична дама“ е насловот на монографијата посветена на Светлана Антоновска што свечено беше промовирана на 27 ноември годинава во локалната библиотека „Гоце Делчев“. Пред присутните, книгата на Иван Антоновски ја промовираше проф.д-р Златко Жоглев кој истакна дека ова е прво дело во кое е опфатен севкупниот период на работењето и дејствувањето на Светлана Антоновска, истакната политичарка, научник, општествен деец и синоним на македонската статистика.

На 24 седница што се одржа на 26 ноември годинава, членовите на советот ја донесоа измената на Одлуката за комунален ред и мерките за нејзино спроведување во Општина Велес.

Локалната библиотека врз основа на својата исклучително плодна и активна соработка со Општинската организација на Црвениот крст од Велес, и во рамки на своите активности, а со поддршка на Општина Велес на 27 ноември, годинава, организираше едукативно предавање на тема болести на зависност, за учениците од средните општинските училишта.

Од почетокот на есента до денес Општина Велес засади 125 високовалитетни листопадни и зимзелени дрвја на повеќе локации на подрачјето на општината.

Во рамките на проектот "Зајакнување на општинските совети", финансиран од Швајцарската агенција за развој и соработка, а имплементиран од УНДП во соработка со Општина Велес, денес се одржа првата форумска сесија на која граѓаните имаа можност активно да се вклучат во процесот на одлучување за реализација на приоритетни проекти во општината. Планот на активности предвидува четири форумски сесии за избор и подготовка на проект a во првите шест месеци од 2019та година е предвидена негова реализација.

Како резултат на заложбите за подигање на јавната свест и поголемо учество на граѓаните во заштитата на животната средина, Општина Велес направи распределба на стандардизирани канти за отпад од 120 литри согласно планот за 2018 година. 358 канти за комунален отпад од 120 литри во зелена боја се поделени на правни лица, како и на домаќинствата од улиците „Ѓорѓи Гајдов“, „Вардарска“, „Тодорче Николовски“, дел од улиците „Академик Пенчо Давчев“, „Славе Петков“ и „Димко Најдов“.

Советот на Општина Велес на својата 23 седница ги донесе програмите за активностите на Општина Велес во сите области на надлежност за 2019 година.

Можноста за соработка со повеќе словенечки општини беше во фокусот на средбата која денес ја оствари градоначалникот Коцевски со Н.Е. проф .д-р Милан Јазбец, амбасадор на Република Словенија во Македонија.

На 14.11.2018 годинава, Градоначалникот на Општина Велес Аце Коцевски присуствуваше на увидот во реконструкцијата на автопатската делница Велес- Градско. Увидот беше извршен од страна на Министерот за транспорт и врски Горан Сугарески и директорот на Јавното претпријатие за државни патишта Зоран Витанов.