Спецификациите, сите инфраструктурни и културни содржини предвидени за изградба во рамки на проектот "Паметно Езеро 'Младост'", беа претставени на денешната Јавна расправа одржана во просториите на Општина Велес. На истата, која беше од интерактивен карактер, со свои предлог идеи и конструктивни прашања се вклучија претставници од НВО секторот од градот, претставници од јавните институции, како и од приватниот сектор, пред се од хотелите и рестораните кои гравитираат околу просторот на езерото "Младост".

По повод 75 години од загинувањето на народниот херој Димче Мирчев, делегации на Општина Велес, Општинската организација на Сојузот на Борците од НОБ и локалните инстутиции положија цвеќе на споменикот на Димче Мирчев во Младинскиот парк и во кругот на градинката која го носи неговото име.

Општина Велес согласно Програмата за управување со отпад за 2019 година набави канти за отпад за домаќинствата и правните субјекти.
Набавени се 1380 канти за отпад од 120 литри во зелена боја за комунален отпад и во жолта боја за отпад кој може да се рециклира.

Средствата се обезбедени од буџетот на Општина Велес и се во износ од 1.213.040 денари.

Распределбата започна од улицата “Рилски конгрес”, а покрај кантите за отпад, на граѓаните им се дистрибуираа и летоци со насоки за спроведување на примарната селекција во нивните домови.
По завршување на оваа фаза, акцијата за распределба на садови за отпад ќе продолжи на нови улици и реони.
Оваа година акцент во распределбата ќе биде ставен на левата страна на градот.

Општина Велес апелира до граѓаните да ги користат кантите согласно нивната намена и да се изнесуваат два часа пред утврденото време на собирање на отпадот.

Согласно програмските определби на општината за континуирано подобрување на комуналната инфраструктура, денеска Градоначалникот Аце Коцевски со стручните лица од Одделението за комунална инфраструктура направи увид во тековните проекти на терен.

Генералниот директор на групацијата Дрекселмаер, г-дин Лукас Мирингер, денес оствари средба со градоначалникот на Општина Велес, г-дин Аце Коцевски.

Општина Велес во соработка со ЈКП „Дервен“ ги координира активностите за  чистење на градските локации на кои беше утврдено поголемо количество отпад.

Во рамките на денешниот македонско - чешки бизнис форум градоначалникот Коцевски оствари поголем број на билатерални средби со претставници од реномирани чешки компании.

Петстотини најмлади учесници со петстотини насмевки денес го украсија Младинскиот парк во Велес со своите креативни костими и маски.

По повод 1 април, Денот на доброволното младинско ангажирање,здружението на граѓани "Акцијаш ветерани" заедно со тимови од велешката гимназија и поддршка од ЈКП "Дервен" денес организираа акција за чистење отпад на просторот покрај Железниот мост, од десната страна на реката Вардар. Она што симболично ги поврза членовите на работната бригада и преставниците на гимназијата е тоа што тие го носат името на великанот Кочо Рацин.

Велес e домаќин на Првото државно првенство во гимнастика за основните училишта во државата што денеска се одржува во ДГС „Партизан“. Во присуство на велешките гимнастичари ветерани и околу 120 учесници од 10 општини, натпреварот го отвори градоначалникот Аце Коцевски.