Со цел подобрување на соработката и јакнење на социјалниот дијалог помеѓу работовачите, единиците на локалната самоуправа и државните институции, денес во Општина Велес се реализираа проектите „Форум со работодавачи” и „Инфосредба со млади”.
Целта на Форумот со работодавачите беше да се презентираат поволните мерки и активности кои што им се на располагање на претставниците на бизнис секторот при вработување и ангажирање на лица за потребите во своите капацитети.

Во рамките на програмата на „Велес град на културата 2015“, а по повод одбележувањето на месецот на франкофонијата, на 12 март годинава, во салата „Бели Мугри“ се одржа Вечер на француската шансона. На настанот што го организираше Општина Велес настапија учениците од француската секција при гимназијата „Кочо Рацин“, Тина и Никола Божикови и пејачката Нада Талевска во пијано придружба на Илија Настовски.

ООУ „Благој Кирков“ во женска и ООУ „Васил Главинов“ од Велес во машка конкуренција одиграа натпревари со нивните врсници од Гевгелија, во училишната спортска сала на ООУ „Благој Кирков“.

Овие денови завршија градежни активности за реконструкција на тротоарот во централното градско подрачје. На ова место најпрвин се отстранија старите и дотраени плочки, а потоа се поставија и нови бехатонски плочки. Дополнително просторот ќе се заштити и со метални елементи кои ќе го спречат паркирањето на возилата.

Денес, вo просториите на Општина Велес,  50 земјоделци од Вардарскиот регион потпишаа меморандуми за соработка со Проектот на УСАИД за експанзија на мали бизниси, благодарејки на финансирањето на УСАИД.

Вчера во просториите на Општина Велес се одржа јавна трибина на која што претставници на здруженија, фондации и сојузи од градот, пред претставниците на Локалната самоуправа го дадоа своето мислење за предложениот Правилник за користење на простории сопственост на Општина Велес.

Вчеравечер во салата „Бели Мугри“ во Велес премиерно беше изведена претставата „Мозаикот наречен Велес“, според легендите за Велес од Љупчо Данов, а во режија на Весна Димитровска Бобевски. Во претставата настапијa децата - членови на теарската група „Словото“ со која раководи актерката и режисер Димитровска-Бобевски.

Заменик министерот за информатичко општество и администрација, Марта Арсовска Томовска, денеска одржа работен состанок со претставници на институции од јавниот сектор во Oпштина Велес. Таа ги претстави најбитните сегменти од спроведувањето на новите закони за администрација, Законот за административни службеници и Законот за вработените во јавниот сектор.

Денес во Општина Велес, Центарот за развој на Вардарски плански регион заедно со Карана Корпорејшн организираше Информативен ден за имплементација на ЕУ ЛЕАДЕР пристапот во Вардарскиот плански регион, кој произлезе како резултат на проектот за експанзија на мали бизниси поддржан од страна на УСАИД и Швајцарската влада. Целта на денешниот настан беше да се информираат индивидуалните земјоделци, јавниот, приватниот и граѓанскиот сектор од ВПР за придобивките кои можат да се добијат од воведувањето и спроведувањето на ЕУ ЛЕАДЕР пристапот во нашиот регион.