Во рамките на манифестацијата „Град на културата“ изминатата недела се заокружија настаните поврзани со франкофонијата. На 18-ти март се проектираше култниот филм „Чадорите од Шербур“, а на 20-ти март се промовираше книгата „Атентат“ од Јасмина Кадар. Промотор на делото беше проф.д-р Ирена Павлова.

На 20.03.2015 година во Пробиштип се одржа традиционалната манифестација „Зелникот на баба“ на која по четврти пат учествуваше и Општина Велес. Традиционалната велешка трпеза ја подготвија активистите на Организација на жени и Активот на жени пензионерки. И овој пат во конкуренција на 25 општини велешкиот штанд беше еден од најбогатите и најубавите.

Агендата на градоначалникот Славчо Чадиев за посети и средби со граѓаните од Урбаните и месните заедници во Општина Велес продолжи и вечерва со посета на УЗ „Васа Кошулчева”, „Шорка” и МЗ „9ти Ноември”. Средбите кои се од битно значење за жителите имаат голема посетеност и заинтерeсираност.

Со голем Пролетен еко хепенинг што се одржа денес Младинскиот парк, Велес го одбележа Денот на пролетта и на екологијата, 21 март. Во оваа традиционална манифестација учествуваа голем број ученици од основните и од средните училишта од градот, средношколскиот дом и децата од детската градинка.

Веднаш по добиените препораки од Државниот санитарен и здравствен инспекторат, денес градоначалникот Славчо Чадиев ги мобилизираше надлжените служби од локалната самоуправа и останатите засегнати институции од градот, се со единствена цел за превземање мерки кои се во насока на спречување на болеста туларемија.

Денес ученици ООУ „Блаже Конески“ имаа работна прошетка низ општинската зграда. Согласно наставната програма за граѓанско образование, учениците имаа можност да го посетат Граѓанскиот сервис центар, да ги видат прес-салата и електронската сала и одблизу да се информираат за работата на општинската администрација, Советот на Општина Велес и функцијата Градоначалник.

Агендата на градоначалникот Славчо Чадиев за посети и средби со граѓаните од Урбаните и месните заедници во Општина Велес продолжи и вечерва со посета на УЗ „Тунел”, „Керамидна”, „Алексо Демниевски – Бауман” и МЗ „Раштани”. Средбите кои се од битно значење за жителите имаат голема посетеност и заинтерeсираност.

Во рамките на одбележувањето на 70 години Црвен крст на Република Македонија денес во просториите на Општина Велес се одржа работна средба помеѓу градоначалникот Славчо Чадиев и претседателот на Црвениот крст од Република Македонија др. Милчо Трајков.

На 17.03.2015 година во Големата сала на Општина Велес се одржаа ,,Отворените денови на Агенцијата за храна и ветеринарство,, на која средба беше присутен Директорот на Агенцијата, Зоран Поповски.
Овие средби со граѓаните и операторите со храна се во склоп на активноста ,,Отворени денови на Агенцијата за храна и ветеринарство,, што е одлична можност институцијата да се запознае со реалните проблеми и потреби на граѓаните и компаниите.

Новиот Амбасадор на САД во Република Македонија, Н.Е. Џес Бејли, денеска во рамки на неговата прва официјална посета на Велес, оствари работна средба со градоначалникот Славчо Чадиев. На средбата со градоначалникот Чадиев, Амбасадорот се интересираше за досегашната соработка на општината со американската амбасада, за бројните реализирани проекти но и за Велес, неговата историја, култура и стопански развој.