Денес на свечена церемонија во Владата на Република Северна Македонија, градоначалникот на Општина Велес Аце Коцевски и директорот на Бирото за регионален развој Рамиз Реџепи го потпишаа  договорот за реализација на проект за уредување на улица во с. Иванковци.

Локалниот совет за превенција од детско престапништво на Општина Велес, денес во просториите во Општина Велес одржа седница на која покрај членовите на Советот присуствуваа и преставниците од МВР – СВР Велес, Орце Коцевски - командир на полициската станица,  и Иса Лимани- командир на Полициска станица за безбедност на патниот сообраќај.

Во категоријата јуниорки до тринаесет години на еден од најпрестижните меѓународни турнири во детски тенис во регионот Champions Bowl Србија 2019 младата тенисерка Славјанка Андреев од Велес (12 години) го освои престижното трето место. „Турнирот на тениските надежи” е дел од „Champions Bowl by Wilson“ серијата кој од 11 до 13 јули 2019 година се одржа на терените на тенискиот клуб Харон во Белград и е  поделен во категории на учесници до 9, 10, 11 и 13 години. Турнирот  се игра во вкупно 32 земји.

Десет ученици од редовните основни општински училишта и пет ученици со попреченост од ПОУ „Маца Овчарова“, во периодот помеѓу 13. и 18. јули 2019 година се дел од петтдневната ликовна колонија „Езерски убавини” која се одржува во детското одморалиште „Мајски цвет” во Струга.  Талентираните ученици-млади уметници кои се на возраст од 13 до 15 години творат и создаваат дела во повеќе техники на сликање.

Општинската Организација на Црвен крст - Велес, во просториите на Општина Велес, денес одржа обука за прва помош на патишта наменета за вработените во општинската администрација.

Училишниот ракометен спортски клуб на „Васил Главинов“ – Велес кој во мај годинава го освои првото место на Државната лига  во ракомет во машка конкуренција за основни училишта деновиве се подготвува за учество  на Балканските училишни игри кои ќе се одржат во Сараево од 3 до 7 август 2019.

Во текот на овој месец Општина Велес спроведува неколку инфраструктурни зафати на повеќе локации во градот за подобрување на инфраструктурната мрежа.

Во тек се повеќе градежни зафати за подобрување на инфраструктурата на територијата на Општина Велес. Градоначалникот Коцевски заедно со тим од општинската администрација денеска изврши увид на тековните работи.

Здружението за безбедност на вода и планина „Македонски спасител” од Велес, денес организираше еко акција за чистење на коритото на реката Вардар. 
Во акцијата без вклучени дваесетмина волонтери на здружението кои ги исчистија крајбрежните појаси на реката Вардар, на потегот од Новиот мост, преку Мал мост, сè до Стариот мост. Оваа еко акција е дел од проектот „Чувари на вардарското крајбрежје” кој е поддржан од Министерството за животна средина и просторно планирање.

Денес се одбележа 206 годишнинатa од раѓањето и 141 годинa од смртта на големиот градител, велешанецот Андреја Дамјанов.

Делегација на Општина Велес му оддаде почит на Дамјанов во црквата „Св. Великомаченик Пантелејмон” и положи свежо цвеќе на вечното почивалиште на големиот мајстор во Велес.