Градоначалникот Коцевски и делегација од Советот на Општина Велес, денес положија свежо цвеќе на спомен обележјата на Панко Брашнаров со што ја одбележаа 68годишнината од смртта на народниот учител од Велес.

Градоначалникот Коцевски денес оствари средба со Музафер Бајрам, министер без ресор задолжен за имплементација на стратегијата за подобрување на состојбата на ромите.

Подобрувањето на квалитетот на живот, еднаквите можности, предизвиците со кои се соочува ромското население во Велес и државата, но и решенијата за истите, беа во фокусот на средбата.

На 37 седница, одржана на 9 јули годинава, Советот на Општина Велес разгледа 19 точки на дневен ред од интерес за граѓаните. Со цел да се заштити здравјето на жителите на Иванковци, Советот донесе одлука за давање на управување на водоснабдителниот систем во Иванковци на ЈКП „Дервен“.

Во периодот од 2 до 7 јули 2019 година, детскиот хор „Св. Кирил и Методиј”од Велес, под раководство на проф. Веселинка Маџарова учествуваше на петтиот Интернационален фестивал на хорска музика во Чанаккале, Република Турција.

Денес во Општина Росоман, во присуство на претставници на бизнис секторот, туристичката заедница, министерството за економија и општините од Вардарскиот плански регион се одржа работна средба на која претставници од Проектот за локална и регионална конкурентност го презентираа процесот на формирање на организација за управување со дестинации во државата.

Градоначалникот Аце Коцевски денеска оствари информативна средба со претставници на Германската развојна банка KFW, Министерството за земјоделство, консултантската компанија „Пропоинт“ од Скопје, и претставници на ЈПВ „Лисиче“- Велес.

Со свечен  прием за учесниците на првата меѓународна скулпторска колонија, денес во Општина Велес беше заокружено првото издание на овој значаен културен настан. Шестмина реномирани уметници, скулптори од државата и странство, во периодот од 24 јуни до 7 јули 2019 година, своите инспирации ги преточија во вистински уметнички ремек дела, кои остануваат во сопственост на градот.

Во просториите на Општина Велес, денес, градоначалникот Коцевски приреди официјален прием за претставниците на фолклорните друштва кои се дел од шеснаесеттото издание на Интернационалниот фолклорен фестивал „Велес 2019”. Покрај градоначалникот на Општина Велес, гостите ги пречекаа и членовите на Организациониот одбор на фестивалот.

Денес во просториите на хотел „Гарденија” во Велес се одржа меѓународна конференција за размена на добри практики во областа на рамномерниот регионален развој.

Градоначалникот на Општина Велес, Аце Коцевски и министерот за локална самоуправа, Горан Милевски, денес беа во посета на с. Мамутчево, Велес каде остварија увид во градежните работи на резервоарот за водоснабдителниот систем за Индустриската зона „Мамутчево”.