Во организација на Општина Велес и во соработка со Асоцијацијата на архитекти на Македонија и Архитектонската академија денеска во Велес беа одбележани 205 години од раѓањето и 140 години од смртта на големиот балкански архитект и градител Андреа Дамјанов. Делегации на Општина Велес, Асоцијацијата на архитекти,aкадемијата и локални установи положија букети цвеќе на гробот на Дамјанов, на гробиштата во црквата „Св. Великомаченик Пантелејмон“.

Почитувани сограѓани,

Општина Велес во соработка со Министерството за труд и социјална политика и СОС детското село Ве поканува на 12 јули 2018 година, со почеток во 18 часот, во амфитеатарот на Младинскиот парк, со Вашето присуство да ја поддржите кампањата „На секое дете му е потребно семејство“.

Општина Велес во соработка со ЈКП „Дервен“ на ул. „Андон Шурков“, на просторот каде бесправно беа поставени лимени гаражи се одигна зелена површина. Просторот се расчисти од отпад, се изгради пешачка патека, се постави систем за наводнување и се засади трева.

На 6 -ти јули годинава, компанијата „БОНИЕР“ од  Куманово изврши авионско прскање против комарци на подрачјето на Општина Велес.

Од 7 до 12 јули годинава 25 ученици (15 од петте редовни основни општински училишта во Велес на возраст од 10 до 12 години и 10 ученици со посебни образовни потреби од ПОУ „Маца Овчарова“) ќе бидат учесници на летна школа во детското одморалиште „Мајски цвет“ во Струга. 

Вчеравечер во преполниот амфитетар на Младинскиот парк со ора, танци и песна беше затворено15-то јубилејно издание на Интернационалниот фолклорен фестивал „Велес“.

Традиционално Градоначалникот Аце Коцевски организираше прием за претставниците на фолклорните ансамбли од странство-учесници на Интернационалниот фолклорен фестивал „Велес“ 2018. На приемот кој се одржа на 5 јули годинава во општина Велес присуствуваа претставници на фолклорни ансамбли од Србија, Мексико, Естонија и Словачка како и претставници на организацискиот одбор на фестивалот.

Во преполниот амфитеатар во младинскиот парк, на 4 јули годинава свечено беше отворено 15-то јубилејно издание на Интернационалниот фолклорен фестивал „Велес“.