Започна учебната 2017/2018 година. Во училишните клупи во сите основни и средни училишта во Општина Велес седнаа ококу 7000 ученици. За прв пат училишното ѕвоно означи почеток на образованието и за 470 првачиња. Тие денеска се запознаа со нивните наставници и новите другарчиња со кои ќе го делат знаењето во наредните девет години.

На патеката на езеро Младост од страната на село Отовица денеска се одржа седмиот куп во организација на Здружението на спортски риболовци „Кркушка“ од Велес. 16 екипи со по тројца членови се натпреваруваа во риболов со јадица на пливка.

Градоначалникот на Општина Велес, Славчо Чадиев денеска оствари средба со претставници на спортските клубови кои се формирани од локланата самоуправа и каде општината е главниот финасиски помагател.

Поради честите дефекти на водоводната мрежа на улица Методија Андонов – Ченто, Општина Велес и ЈКП Дервен одкучија да се постави целосно нова линија на еден крак од оваа улица и со тоа трајно да се реши проблемот со водоснабдувањето, кој беше актиелен и деновиве откако тој реон на градот по неколку часа остануваше без вода поради пукање на водоводна цевка.

На повеќе локации во градот се врши нивелирање на канализациските шахти со горниот слој на улицата. Оваа активност се изведува по барање на граѓаните кои реагираа дека на одредени делови е тешко да се движат со моторни возила.

Стотици граѓани присуствуваа на дводневното одбележување на празникот Успение на Пресвета Богородица, меѓу народот познат како Голема Богородица, која се одржа во велешкиот храм кој го носи името на Успението на Мајката Божја.

Во водите на Велешкото езеро Младост се одржа Четвртиот пливачки маратон. Учесниците се натпреварува на 2,5, 5 и 10 километри во машка и женска конкуренција, како и во конкуренција на аматери. Целокупната манифестација помина во одлична организација. Покровител на маратонот и годинава е Општина Велес.

Во отчетот се сите 370 проекти кои се реализирани во овој мандат. Истовремено голем дел од граѓаните со Градоначалникот споделија мислења и идеи за подобрување во одредени сегменти од градското живеење.

На јавната аукција која се одржа во текот на вчерашниот ден учествуваа пет фирми. Компанијата „Изгрев Инженеринг“ на негативната аукција која започна од 12,7 милиони денари, понуди најниска цена 10,5 милиони денари и е избрана да ја изгради првата зафа од проектот „Покриен градски пазар“.

Министерството за труд и социјала преку Министерката Мила Царовска на 18-ти Август објави дека е донесена одлука за воведување двосменко работење на Детските градинки. Прва смена од 07:00 до 14:30 часот и втора смена од 14:00 до 21:30 часот, како и нивно функционирање во првата сабота од месецот.
Веднаш по тоа установите добија допис во кој е содржана оваа одлука и истата треба да ја имплементираат во своето работење почнувајки од 1 септемри.