Еден од најгорливите проблеми на жителите од населеното место Отовица набрзо ќе биде решен. Денеска започна да се реализира проектот „Заштита на водите на Езеро Младост преку регулирање на отпадните води“. Новиот канализационен систем е со должина од 2,5 километри. Со него ќе бидат опфатени улиците „Благој Ѓорев“ и „Гоце Делчев“, односно седум краци од нив.

Врз основа на член 51 став10 од Законот за просторно и урбанистичко планирање (Сл.Весник на РМ бр. 199/14, 44/15, 193/15, 31/16 и 163/16) член 50 точка 16 од Законот за локална самоуправа ("Сл.весник на РМ" бр.5/02), член 51 од Статутот на Општина Велес, (Сл. Гласник 12/06, 03/09, 18/10 и 15/14) Градоначалникот на Општина Велес го дава следното:

С О О П Ш Т Е Н И Е
За организирање на јавна презентација и јавна анкета
по Усвојување на Архитектонско Урбанистички Проект за Стопански комплекс на ГП 1.01 (КП бр. 1516/5 и КП бр. 1537/2), К.О. Мамутчево, Општина Велес

Заврши проектот за реконструкција на крак од улицата Родна Ивева лоцирана на левата страна од градот. Нова бетонска подлога е поставена на површина од 200 метри. Вкупно се реконструирани 700 метри квадратни. За реализацијата инвестирани се 800 000 денари, средства од Буцетот на Општина Велес. Улицата претходно беше во лоша состојба, бетонирана од пред 30 години.

Во Општина Велес се одржа Јавна расправа организирана од страна на Министерството за животна средина и просторно планирање на Република Македонија и Секторот за животна средина.
На јавната расправа беше претставена Студијата за оцена на влијанието врз животната средина (ОВЖС) за Интегриран систем за управување со цврст отпад во Вардарскиот регион која беше подготвена во рамките на проектот „Подготовка на потребни документи за воспоставување на интегриран и финансиски самоодржлив систем за управување со отпад.

Завршено е партерното уредување на просторот пред зградите на улица „Благој Ѓорев“ спроти трговскиот центар. Со бекатон плочки е уреден опфат со површина од 300 метри квадратни. Зафатот е дел од Програмата за работа на Општина Велес. Од денеска граѓаните на Велес кои живеат во овој дел од градот имаат подобри услови.

Велес денеска одбележува 66 години без Панко Брашнаров. Народниот учител ,револуционер, сведок на два Илиндена, делегат кој го отворил Првото заседание на АСНОМ, а воедно бил избран и за претседател на президиумот во Прохор Пчински, место каде се поставени темелите на Македонската држава.

Градоначачачникот на Општина Велес Славчо Чадиев ги посети децата од Велес кои се на Летен спортски камп за кошарка и одбојка во Охрид. Тој заедно со претставници на локалната самоуправа лично се запознаа со програмата и начинот на тренинзите. На менторите-тренери, но и на младите им ги претстави идните планови на Општина Велес на полето на спортот.

Во црквата „Свети Великомаченик Пантелејмон“ денеска се одржа панихида во чест на големиот неимар Андреја Дамјанов. Повод за одржување на настанот, кој беше во организација на Општина Велес, е одбележување на 204-тата годишнина од неговото раѓање. Панихидата во храмот кој е едно од најубавите дела на Дамјанов ја извршија свештениците од Повардарската пеархија.

Градоначалникот Славчо Чадиев и претстаници од Одделението за комунални дејности во Општина Велес денеска одржаа средба со жителите на населеното место Сливник. Повод е почеток на изградба на канализационен систем. Проектот е готов.

12 семејства со ниски примања кои ќе живат во новата петта зграда на „Хабитат“ во Велес, денеска ги добија клучевите на рака со што и официјално станаа корисници на становите. На настанот присувствуваше Градоначалникот Славчо Чадиев.