Во просториите на Општина Велес денеска се одржа средба на Градоначалникот Аце Коцевски, претставници од СВР Велес, Државниот пазарен и трудов инспекторат, УЈП и надлежните во одделенијата при Единицата на локална самоуправа со дел од сопствениците на угостителски објекти во градот.

Тема на состанокот беше: Почитувањето на законите за работно време, јавен ред и мир, нивото на бучава, одобренијата за користење на пред простор, вработувањата, регистрирањето на дејноста, уплатата на дневниот пазар.

Почитувани сограѓани учествувајте во креирање на подобра и поубава слика за Вашиот град. Предложете, дискутирајте и учествувајте во јавната расправа за тоа како најдобро да се искористат објектите кои се во сопственост на Општина Велес:

Во просториите на ЕУ Инфо Центарот во Скопје денеска се одржа контеренција на тема: Нови предизвици, нови перспактиви на локалната демократија.

Пред присутните  на настанот свои ставови и мислења дадоа Амбасадорот на Република Франција Кристијан Тимоние, Заменик министерот за локална самоуправа Дејан Павлески, како и претставниците на организациите кои се партнери во релизацијата на проектот.

Во просториите на Општина Велес денеска се одржа јавната расправа по нацрт-буџетот за 2018 година. Претставниците од Урбаните и Месни заедници, лица од невладиниот сектор, образованието, спортот, културата и институциите под надлежност на локалната самоуправа го видоа годишниот план на приходи и расходи за наредната година.
Дел од нив ги дадоа и нивните видувања за проекциите и планирањата во наредните 12 месеци.

Амбасадорот на Соединетите Американски Држави во Република Македонија, Џес Бејли беше во работна посета на Општината.
Тој оствари билатерална средба со Градоначалникот, Аце Коцевски.

Согласно зацртаните активности од Програмата за управување со отпад за 2017 година за чистење на диви депонии, Општина Велес и ЈКП “Дервен” спроведоа активности за чистење на дивите депонии на следните локации: Превалец (брег на река Тополка), пристапен пат пред градските гробишта Раштани, простор зад ООУ Кирил и Методиј, зад Народен музеј, брег на Битолска пруга, ул. Лазо Осмаков (зад пицерија Да Винчи). Дополнително е извршено отстранување на азбестноцементни табли на простор спроти некогашниот ресторан ОХОХО.

Во организација на Општина Велес и фондацијата „Фокус“, поддржано од асоцијацијата „Алма“ од Регионот Алзас, Република Франција, денеска во градов се одржа конференција на тема: Европски искуства за развој на туризмот“
Градоначалникот на Општина Велес, Аце Коцевски пред присутните истакна дека е големо задоволството да се биде дел од конференција од ваков тип.

Градоначалниците од девет општини кои го сочинуваат Вардарскиот плански регион денеска ја одржаа првата седница на Советот за развој на Вардарскиот плански регион.
Тие едногласно ја изгласаа одлуката за усвојување на Годишна листа на предлог-проекти за развој на Вардарскиот плански регион за 2018 година финансирани од страна на Министерството за локална самоуправа – Биро за регионален развој.

Бидејки има доста реакции во јавноста, особено на социјалните мрежи по најавите за зголемување на цената на водата, би сакал јавно да го кажам следното.

Покачувањето на цената на водата е спротивно на моите изборни ветувања и чувствувам морална обврска да ги известам граѓаните дека: Јас не се откажувам од намерата да се намали цената на водата во наредниот период.

Триесет деца, мали уметници од училиштата од Велес, Скопје, Струмица, Куманово, Прилеп и од повеќе места во Вардарсакиот регион учествуваат на 21-та Керамичко-ликовна работилница која традиционално се одржува во ПОУ „Маца Овчарова“. Манифестацијата за отворена ја прогласи Градоначалникот на Општина Велес, Аце Коцевски.