Неколку члена делегација од збратимениот Турски град Бига денеска е во посета на Општина Велес. Тие остварија средба со Градоначалникот Славчо Чадиев на која се разговараше за досегашната соработка помеѓу Велес и Бига, но истовремено беа отворени повеќе теми како истата да се продбалочи во повеќе области од општественото живеење.

Од 4-ти до 8-ми јули годинава, Велес ќе биде домаќин на 14-то издание на Интернационалниот фолклорен фестивал. Ова на прес конференцијата што се одржа на 3-ти јули го најави претседателот на Организациониот одбор на фестивалот Томе Јаневски, во присуство на членови на одборот. „Годинава граѓаните на Велес и Македонија ќе уживаат во песните, ората, танците и традициите на ансамблите од Хрватска, Црна Гора, Србија, Бугарија, Романија, Словенија, Полска и Австралија.

Поминувајќи над сто километри на гемија и чамци, учесниците на Вардарската регата „Гемиџии“ 2017, пристигнаа во Гевгелија. На крајната дестинација гемиџиите на новото време ги дочекаа делегации од Велес и Гевгелија. Учесниците во регатата кои истовремено пристигнаа на целта изразија задоволство од можноста на овој начин да ја продолжат традицијата на Гемиџиите а истовремено и да уживаат во пловењето по Вардар.

Велешани ја продолжија традицијата. Претпладнево Гемиџиите запловија во водите на Вардар. Водниот пат долг 140-тина километри до Гевгелија ќе го поминат во четири етапи и на целта ќе пристигнат во недела.
На овогодинешното издание на „Вардарската регата Гемиџии“ учествуваат 60 лица. Организаторите Здруженето на граѓани Вадрарска регата Гемиџии најавија дека во наредните денови тој број ќе се зголеми со приклучување на нови учесници.

По повод Рамазан Бајрам, Градоначалникот на Општина Велес, Славчо Чадиев го одржа традиционалниот прием за претставници од Исламската верска заедница. На приемот, освен честитки за празникот, беа искажани заложби за зацврстување на добрите односи и соживот кој во општината е на високо ниво.

По Повод Рамазските пости, Градоначалникот на Општина Велес, Славчо Чадиев во Фазли Ахмет Пашина Џамија или попозната како Црна Џамија приреди Ифтар вечера за граѓаните на Велес и околните населени места кои се од исламска вероисповед.

Водејки се од потребите и барањата на граѓаните и учесниците во сообраќајот објавуваме дека изработен е Основен проект за „Изградба на кружен тек“ на крстосницата која ги поврзува улиците Благој Ѓорев, Наум Наумовски – Борче и Прва Комуна или на локацијата која граѓаните ја знаат како „Панини“.

Познатиот уличен фестивал „Баскерфест" оваа година по петти пат ќе се одржи и во Велес. „Баскерфест" ќе се одржи на 23 и 24 јуни 2017 година (петок и сабота) во Младинскиот парк. Ова е фестивал со уникатен концепт и нова, поинаква понуда. Баскер ја пречекува публиката со улични артисти и музика во живо, со низа различни понуди за незаборавна забава: претстави, пантомима перформанси, улични танчери, креативни активности - вистински сплет на културни, забавни и уметнички содржини!

Денеска официјално започнаа „Етно работилниците“ во спомен куќите во Велес. Оваа година се одржуваат по 9 пат.

Вредноста на проектот изнесува шест милиони денари. Реконструирани се седум улици во ова населено место. Вкупната должина на улиците е 1007 метри. Две улици во должина од 375 метри, лоцирани во центарот, се афалтирани. Останатите пет во должина од 632 метри се бетонирани. Градоначалникот на Општина Велес Славчо Чадиев денеска беше на лице место и изврши увид во изработката на проектот. Го слушна мислењето и на локалното население.