Македонскиот центар за меѓународна соработка (МЦМС) преку програмата „Оджливо граѓанско општество: државно финансирање на граѓанските организации“ објавува јавен повик за доделување на грантови. Програмата ја имплементира МЦМС во соработка со Балканската мрежа за развој на граѓанското општество (БЦСДН) и Центарот за информирање, соработка и развој на граѓанските организации од Словенија (ЦНВОС). Програмата е финансирана од Европската Унија.

Над 300 ученици од голем број училишта во Македонија на 15 април годинава имаа можност да ги покажат своите вештини во 23 области на техничките и природните науки, на натпреварот што се одржа во ООУ „Блаже Конески“.

Командата за обука и доктрини на АРМ во гарнизонот „Алексо Демниевски-Бауман“ денеска го одбележа својот јубилеј 15 Април.

Во рамките на предметната настава по предметот „Општество“, триесетина ученици од четврто одделение при ООУ „Васил Главинов“ од Велес,  на 12 април годинава имаа можност одблиску да ги запознаат организацијата и начинот на работа на Општина Велес.

Градоначалникот Аце Коцевски и уметниците Живко Пренџов и Илчо Стојановски денеска ги разгледаа локациите и утврдија место за поставување на споменикот на Кемал Ататурк, подарок од збратимениот град Каршијака, Република Турција.

Со цел поголема информираност и подобрен пристап до сегашните и идните вработени од Велес, компанијата „Дрекселмајер“ на 11 април годинава, отвори инфо -центар и канцеларија за регрутација во Велес. На свеченото отворање присуствуваше и градоначалникот Аце Коцевски.

На овој голем празник за сите припадници на ромската етничка заедница, би сакал во свое лично име, во име на Советот на Општина Велес и во име на граѓаните, да Ви го честитам 8-ми Април, Меѓународниот ден на Ромите.

На сите здравствени работници, сите поединци и установи што својот професионален живот го посветија на грижата за здравјето и животот на  сите граѓани, во свое лично име, во име на Советот на Општина Велес и во име на граѓаните им го честитам 7-ми Април, Светскиот ден на здравјето и им посакувам многу успех во нивната благородна мисија.

Искрено,

Градоначалник 
на Општина Велес
  Аце Коцевски

По интервенцијата на ГП „Гранит“ и „Македонијапат“ ангажирани од надлежните државни органи за решавање на состојбите со одронот на регионалниот пат Велес -Градско, од 5-ти април годинава, овој патен правец е отворен за сообраќај.

Почитувани,

Во свое лично име и во име на Советот на Општина Велес Ви го честитам големиот христијански празник Воскресение Христово Велигден и Ви посакувам овие празнични денови да бидат вовед во ново единство, благосостојба и радост за сите генерации.