„Ништо не е повидливо и ништо не е поприсутно од твоето отсуство“. Овие вечни стихови на великанот на македонската лирична поезија и модерна литература, прозвучеа во нова светлина на денот кога Македонија одбележува 12 години без Петре М. Андреевски и 50 години од објавувањето на неговата безвремена „Дениција“.

Денес најмладите велешани ги открија тајните на фудбалот. Фудбалерите Тале Трајков и Ѓоре Ѓорѓиевски од фудбалскиот клуб „Борец“ на децата од детската градинка „Димче Мирчев“ им ги објаснија основните карактеристики на фудбалот како спортска игра.

Во конкуренција на 17 тенисери од најдобрите клубови во Македонија Стефан Мицов денес, 23 септември, на финалниот меч извојува победа над Горазд Србљак со 2:0 во сетови. Душко Петров, претседател на Советот на Општина Велес ја додели првата награда на еден од најдобрите рекети во Македонија.

Велосипедистите денеска го освоија Велес. На одбележувањето на Денот без автомобили во рамките на Европската недела на мобилност, стотици ученици од основните и средните училишта покажаа каков може да биде сообраќајот во Велес ако се користат еколошки средства за превоз. Придружувани од велосипедистите од здруженијата на граѓани, најмладите љубители на велосипедизмот рекреативно возеа од центарот на градот до Младинскиот парк каде се одржа централната манифестација.

Зголемување на совеста кај пешаците и возачите, основните грешки кои ги прават учесниците во сообраќајот беа дел од темите на предавањето за младите кое денес се одржа во салата Бели Мугри. Учениците од сите општински основни и средни училишта имаа можност да ги слушнат и мерките за она што може да се превземе и во однос на непрописното паркирање, уредување на зеленилото, поставување на правилна сигнализација и др.

Со првите натпревари започна и Отвореното првенство на Македонија во тенис за сениори и сениорки кое традиционално по седми пат се одржува во Велес.

Првенството го организира тенискиот клуб Борец од Велес во соработка со Македонската тениска федерација.

На децата со попреченост во развојот од Велес и околината ќе им се обезбеди квалитетна грижа, можност за индивидуален пристап и третман, групна работа, креирање на пријателски односи во рамките на новоотворениот Центар кој денес беше отворен од страна на министерката за труд и социјална политика Мила Царовска и градоначалникот на Општина Велес, Аце Коцевски.

На 17 септември годинава, Градоначалникот Аце Коцевски оствари средба со Петар Атанасов Заменик-министер за образование и наука во Владата на Република Македонија. Предизвиците во основното и средното образование, неопходноста од рационализација и спојување на училиштата во услови кога има паралелки со број на деца далеку под утврдениот законски минимум, неопходните мерки за зајакнување на ефикасноста и ефективноста во образованието на локално ниво, беа само дел од темите на средбата.

Во организација на здружението "Клуб 28" и кајакарскиот клуб "Бабуна" во соработка со Пливачката Федерација на РМ, под покровителство на Општина Велес денес во водите на езерото "Младост" се одржа Петтиот велешки пливачки маратон.

Граѓанскиот активизам, улогата на граѓанските организации во евроинтеграциите и развојот на волонтерството беа главни теми на втората седница на Граѓанскиот совет, што се одржа на 14 септември годинава, во општина Велес. Градоначалникот Аце Коцевски им порача на граѓанските организации дека тие треба да бидат вистински мост помеѓу општината и граѓаните и да придонесат за развојот на Велес .