По повод смртта на поетесата Павлина Климкар Меанџиева, која Велес засекогаш ја загуби на 2-ри март годинава, Градоначалникот Аце Коцевски до семејството на Меанџиева упати телеграма со сочувство: 

Со цел да се продлабочи соработката на планот на одржливиот туризам, градоначалникот Аце Коцевски на 5-ти март годинава оствари средба со проф. др. Цветко Андреески, декан на Факултетот за туризам и угостителство во Охрид и проф. д-р Науме Мариноски, редовен професор на факултетот.

Со цел да излезе во пресрет на граѓаните и да го зголеми квалитетот на услугите, ЈКП „Дервен“ со сопствени средства го обновува возниот парк. Денеска во претпријатието пристигнаа два нови трактори, модел INDIA-TAFE 42 DI со приколки модел FERMAK 4t во вредност од 1.470.000 денари.

Ниските температури и силниот ветер во ноќните часови предизвикаа нови снежни наноси кај селата Бузалково и Сливник. Одговорните служби во општината информираат за наноси од 1.5 метри кај селото Бузалково. Механизација на ГП „Изгрев“ работи на расчистување на наносите. Патиштата што вчера беа расчистени кон Клуковец, Бузалково и Ветерско денеска се проодни. Во училиштата во градот и во сите подрачни училишта во населените места наставата денеска се одвива без проблеми.

Новите врнежи од снег што беа поинтензивни утринава ги анимираа сите надлежни служби на подрачјето на Општина Велес. По информацијата од Центарот за управување со кризи дека во Ветерско снегот го блокира пристапот до жена на која треба да и се достават лекови, екипи работат на расчистување на патот. Механизација на ГП „Изгрев“ работи на расчистување на новите снежни наноси кон село Бузалково. ГП „Делта пром“ со механизација ги расчистува патиштата кон Оризари, Клуковец и Сливник.

На маргините на Симпозиумот на градоначалници што од 26 февруари до 2- ри март годинава  се одржува во Виена- Австрија, градоначалникот Аце Коцевски оствари повеќе билатерални средби со колеги градоначалници од земји членки на ЕУ и земји од Југоисточна Европа.

Градоначалникот Аце Коцевски денеска ги презентираше своите искуства и ставови на панел дискусијата „Лидерство во градовите: кон поголема општествена одговорност и подобра испорака на услуги“ на Симпозиумот на градоначалници што се одржува во Виена, Австрија. Ова беше негово второ излагање од почетокот на симпозиумот.

Од почетокот на снежните врнежи од страна на ЈП „Македонија пат“ на територија на Општина Велес се фрлени 60 тони сол и 140 м³ ризла. Дополнително од страна на економските оператори ангажирани од Општина Велес се фрлени 2 тони сол и 3 м³ ризла. Материјалот е набавен од страна на Општина Велес.

Снегот што од вчеравечер го зафати подрачјето на Општина Велес предизвика потешкотии во одвивањето на сообраќајот и ги анимираше сите надлежни служби.
Во текот на ноќта по улиците во централното градско подрачје службите фрлаа сол и абразивни средства, а од утринава екипи на ЈКП „Дервен“ работат на расчистување на пристапите кон црквите, тротоарите и мостовите.

По повод 14-годишнината од трагичната авионска несреќа во која заедно со претседателот Борис Трајковски животот го загуби велешанката Анита Кришан Лозаноска, делегација на Општина Велес положи цвеќе на гробот на Лозановска, на гробиштата во црквата „Свети Спас“.