Во Младинскиот парк во Велес денеска се одржа традиционалната манифестација велешка „Априлијада 2017“. На истата како и секоја година учество зедоа ученици од сите основни училишта во градот и клоновите на Детските градинки. По улиците на Велес и во младинскиот парк, најмладите продефилираа маскирани како супер јунаци, принцези, кловнови, полицајци и во уште многу маски кои ги подоготвија заедно со нивните рпдители.

Во просториите на Велешкиот народен театар Џинот денеска се одбележа Светскиот ден на театарот. По овој повод беа прочитани меѓународната и националната порака со кои беше потенцирано значењето на оваа институција во животот на едно општество. Покрај многуте актери, режисери, драматурзи, денешниот настан со свое присувство го поддржаа Градоначалникот на Општина Велес, Славчо Чадиев и Министерката за култура Елизабета Канчевска Милевска.

Започна бетонирањето во населеното место Мамутчево како дел од проектот „Реконструкција на улици“. Работници од фирма изведувач ја стартуваа последната фаза по која улиците ќе бидат во многу подобра ситуација од претходната. Согласно проектот ќе бидат реконструирани седум улици во Мамутчево со вкупна должина од 1007 метри.

Еколошкото друштво „Вила Зора“ во соработка со Општина Велес и Советот на млади на Општина Велес денеска традиционално го одбележаа 21-ви март Денот на пролетта и екологијата. На плоштадот Сармаале се одржа „Пролетен еко-хепенинг“. На настанот учество зедоа учениците од основните училишта во градот и детските градинки.

Црквата „Свети Ѓорѓи“ во велешкото село Црквино е прогласена за значајно културно наследство. Такво решение досене Управата за заштита на културното наследство. Оваа одлука значи дека од сега објектот ќе ужива гарантирана заштита која ја обезбедува Република Македонија.

Денот на франкофонијата 20 Март, Велес го одбележува со заокружување на третата фаза од училишната размена со збратимениот град Шербур ан котантен во Нормандија, Република Франција. Една недела 38 ученици и 4 -ца професори од Франција имаа можност да ги градат врските помеѓу двата града преку заеднички програми во областа на металната индустрија,екологијата, економијата, професионалната ориентација литературата и културата.

Општинската организација на Црвен крст, која традиционално е една од најдобрите во државата, ден порано во одбележа 17-ти март Денот на крводарителството.

Започна изградбата на препумна станица за вода во населбата „Трпезица“. Тоа практично значи дека стартуваше последната фаза од проектот „Водоснабдување за населбата Трпезица и селата Дурутовец и Чалошево“, инвестиција која вреди вкупно 14 милиони денари.

Дел од учениците во Општинското средно училште „Јовче Тесличков“ присувствуваа на 65-тата седница на Советот на Општина Велес. Повод им беше првата точка од дневниот ред Завршна сметка на Буџетот за 2016 година.

На денешен ден пред точно 110 години во Велес е роден актерскиот бард, легендата на македонското глумиште Петре Прличко. Речиси и да нема човек кој не се сеќава на „Кузман“ од филмот Фросина, на „Паун“ од Волчја ноќ, легендарниот „Мандана“ од Мис Стон, „Фезлиев“ од Денови на искушение, „Дојчин“ од Републиката во пламен и уште многу други.